Ýkraına Reseımen aradaǵy atysty 30 kúnge toqtatý týraly kelisimge kelýge ázir. Alaıda Reseı soǵysty ýaqytsha toqtatýǵa kelispedi, dep habarlaıdy Dalanews.kz.

Ýkraınanyń basty sharty - buǵan Máskeýdiń kelisýi bolǵan. Kıev muny Saýd Arabıasynyń Djıdda qalasynda AQSH-pen ótken kelissózderden keıin málimdedi.

Birlesken málimdemede Vashıngton Kıevpen barlaý málimetterin shuǵyl qaıta bólisetinin jáne qaýipsizdik salasynda qoldaý kórsetinin aıtty.

Búgin Pýtınniń kómekshisi Iýrıı Ýshakov málimdeme jasady. 

Ýshakovtyń aıtýynsha, Reseıge ýaqytsha atysty toqtatý qajet emes. Onyń sózinshe, ýaqytsha bitim týraly usynys – bul ýkraın áskeri úshin tek ýaqytsha úzilis qana.

Sondaı-aq, Ýshakov «beıbit áreketti ımıtasıalaıtyn qadamdar eshkimge qajet emes» dep sanaıdy. Budan bólek, Ýshakov Vladımır Pýtınniń búgin Ýkraınada ýaqytsha atysty toqtatý rejımine qatysty «naqtyraq jáne mazmundy baǵa» berýi múmkin ekenin aıtty.