Jyl basynan beri óńirde 7 558 it pen 29 mysyq ustaldy. Alaida olardyń ishinde tek 82 it qana ielerine qaitaryldy, bul janýarlardy qaraýsyz ustaýdyń keń taralǵanyn kórsetedi. Janýarlardy ustaý erejelerin buzǵandarǵa 3,1 million teńge kóleminde aiyppul salyndy – ákimshilik sharalar 133 adamǵa qoldanyldy, - dep habarlaidy Dalanews.kz
Sońǵy oqiǵalardyń biri – Qumtoǵan aýylynda bolǵan jaǵdai. Munda qańǵybas itter úi janýaryna shabýyl jasaǵan. Veterinariialyq qyzmetter jedel jetip, 9 itti ustady. Jaralanǵan janýarǵa kómek kórsetildi, al bul aýmaq baqylaýǵa alyndy. Mundai josparly reidter óńirdiń basqa eldi mekenderinde de jalǵasady.
Mamandar tek aiyppulmen máseleni sheshý múmkin emestigin atap ótedi. Óńirde itterdi mindetti túrde chipteý, sterilizatsiialaý jáne úi janýarlaryn ustaý talaptaryn qatańdatý sharalary qarastyrylýda.
Almaty oblysynyń ákimdigi janýar ielerin jaýapkershilikke shaqyrady, óitkeni qańǵybas itter tek qaýip tóndirip qana qoimai, olardy ustaý men joiýǵa milliondaǵan qarjy jumsalady.
