جىل باسىنان بەرى وڭىردە 7 558 يت پەن 29 مىسىق ۇستالدى. الايدا ولاردىڭ ىشىندە تەك 82 يت قانا يەلەرىنە قايتارىلدى، بۇل جانۋارلاردى قاراۋسىز ۇستاۋدىڭ كەڭ تارالعانىن كورسەتەدى. جانۋارلاردى ۇستاۋ ەرەجەلەرىن بۇزعاندارعا 3،1 ميلليون تەڭگە كولەمىندە ايىپپۇل سالىندى – اكىمشىلىك شارالار 133 ادامعا قولدانىلدى، - دەپ حابارلايدى Dalanews.kz

سوڭعى وقيعالاردىڭ ءبىرى – قۇمتوعان اۋىلىندا بولعان جاعداي. مۇندا قاڭعىباس يتتەر ءۇي جانۋارىنا شابۋىل جاساعان. ۆەتەريناريالىق قىزمەتتەر جەدەل جەتىپ، 9 ءيتتى ۇستادى. جارالانعان جانۋارعا كومەك كورسەتىلدى، ال بۇل اۋماق باقىلاۋعا الىندى. مۇنداي جوسپارلى رەيدتەر ءوڭىردىڭ باسقا ەلدى مەكەندەرىندە دە جالعاسادى.

ماماندار تەك ايىپپۇلمەن ماسەلەنى شەشۋ مۇمكىن ەمەستىگىن اتاپ وتەدى. وڭىردە يتتەردى مىندەتتى تۇردە چيپتەۋ، ستەريليزاسيالاۋ جانە ءۇي جانۋارلارىن ۇستاۋ تالاپتارىن قاتاڭداتۋ شارالارى قاراستىرىلۋدا.

الماتى وبلىسىنىڭ اكىمدىگى جانۋار يەلەرىن جاۋاپكەرشىلىككە شاقىرادى، ويتكەنى قاڭعىباس يتتەر تەك ءقاۋىپ ءتوندىرىپ قانا قويماي، ولاردى ۇستاۋ مەن جويۋعا ميلليونداعان قارجى جۇمسالادى.