ەل-فارابي اتىنداعى قازاق ۇلتتىق ۋنيۆەرسيتەتٸندە «Quantum AI» زەرتحاناسىنىڭ سالتاناتتى اشىلۋ رەسٸمٸ ٶتتٸ. اقپاراتتىق تەحنولوگييالار جەنە جاساندى ينتەللەكت فاكۋلتەتٸنٸڭ بازاسىندا قۇرىلعان جاڭا عىلىمي-بٸلٸم بەرۋ ورتالىعى رەسپۋبليكا اۋماعىنداعى بالاماسىز ەرٸ تەڭدەسسٸز يننوۆاتسييالىق ورتالىق رەتٸندە ٸسكە قوسىلدى, دەپ حابارلايدى dalanews.kz.
اۋقىمدى جوبا الدىڭعى قاتارلى كۆانتتىق جٷيەلەردٸ ٶندٸرۋگە ماماندانعان SpinQ Technology (قحر) حالىقارالىق تەحنولوگييالىق كومپانيياسىنىڭ قولداۋىمەن جٷزەگە اسىرىلدى.
جاڭا ورتالىققا زاماناۋي جەتٸ كۆانتتىق ەسەپتەۋ جٷيەسٸ جەتكٸزٸلدٸ. بٷگٸنگٸ تاڭدا بۇل – قازاقستان اۋماعىنداعى جالعىز كۆانتتىق كومپيۋتەرلەر. بٸرەگەي جابدىقتار ستۋدەنتتەر مەن ٸزدەنۋشٸلەرگە وقۋ ساباقتارى مەن زەرتحانالىق جۇمىستاردى جوعارى دەڭگەيدە جٷرگٸزۋگە, كٷردەلٸ عىلىمي-زەرتتەۋ جوبالارىن ورىنداۋعا جەنە ماشينالىق وقىتۋدىڭ بٸرەگەي الگوريتمدەرٸن ەزٸرلەۋگە مٷمكٸندٸك بەرەدٸ.
سالتاناتتى شارادا سٶز العان قازۇۋ باسقارما تٶراعاسى – رەكتور جانسەيٸت تٷيمەباەۆ بۇل قادامنىڭ ۋنيۆەرسيتەتتٸ ەلەمدٸك دەڭگەيدەگٸ زەرتتەۋ ورتالىعىنا ترانسفورماتسييالاۋداعى رٶلٸ زور ەكەنٸن قاداپ ايتتى. «قازٸرگٸ ۋاقىتتا جاساندى ينتەللەكت, ٷلكەن دەرەكتەر مەن كۆانتتىق ەسەپتەۋلەر ەلەمدٸك عىلىم مەن ەكونوميكانىڭ جاڭا باعىتىن ايقىنداپ وتىر. كۆانتتىق تەحنولوگييالار مەن جي ينتەگراتسيياسى كريپتوگرافييا, مەديتسينا جەنە كٷردەلٸ جٷيەلەردٸ مودەلدەۋ سالاسىنداعى بۇرىن كلاسسيكالىق كومپيۋتەرلەردٸڭ قاۋقارى جەتپەگەن ەڭ كٷردەلٸ مٸندەتتەردٸ شەشۋگە جول اشادى», – دەدٸ ۋنيۆەرسيتەت باسشىسى.
رەكتور ٶز سٶزٸندە بٸلٸم, عىلىم جەنە ٶندٸرٸستٸ ۇشتاستىرۋ باعىتى جالعاساتىنىن, ال زەرتحانا نەتيجەلەرٸ ەلٸمٸزدٸڭ تەحنولوگييالىق ەگەمەندٸگٸن نىعايتۋعا سەپتٸگٸن تيگٸزەتٸنٸنە سەنٸم بٸلدٸردٸ.
اقپاراتتىق تەحنولوگييالار جەنە جاساندى ينتەللەكت فاكۋلتەتٸنٸڭ دەكانى تيمۋر يمانقۇلوۆتىڭ ايتۋىنشا, وتاندىق ماماندار وزىق جابدىقتارمەن جۇمىس ٸستەۋگە تولىق دايىن. جاڭا زەرتحانا جوعارى كۋرس ستۋدەنتتەرٸنە تەجٸريبەلٸ تەلٸمگەرلەرمەن بٸرلەسٸپ, ناقتى ٶندٸرٸستٸك جوبالارعا قاتىسا الاتىن اشىق پلاتفورما رەتٸندە قىزمەت ەتەدٸ. بۇل بازا فاكۋلتەت تٷلەكتەرٸنٸڭ حالىقارالىق ەڭبەك نارىعىنداعى بەسەكەگە قابٸلەتتٸلٸگٸن ايتارلىقتاي ارتتىرادى.
شارادا كٶپشٸلٸككە «Quantum AI» زەرتحاناسىنىڭ جەنە ماشينالىق وقىتۋدىڭ بٸرەگەي الگوريتمدەرٸن ەزٸرلەۋ جوسپارلارى كەڭٸنەن تانىستىرىلدى.
