اباي وبلىسىندا مەملەكەتتٸك ورگانداردىڭ ٶكٸلدەرٸن, قوعامدىق ۇيىمداردى, ساراپشىلاردى, پەداگوگتەر مەن بەلسەندٸ ەكەلەردٸ بٸرٸكتٸرگەن «ەكە ٶنەگەسٸ – ٶمٸرلٸك ساباق» اتتى ٶڭٸرلٸك فورۋم ٶتتٸ. قاتىسۋشىلار وتباسى ينستيتۋتىن نىعايتۋ, بالالار تەربيەسٸندەگٸ ەكەنٸڭ رٶلٸن ارتتىرۋ جەنە جاستار اراسىنداعى ەلەۋمەتتٸك مەسەلەلەردٸڭ الدىن الۋ مەسەلەلەرٸن تالقىلادى, دەپ حابارلايدى dalanews.kz.
ٸس-شارا پلەنارلىق وتىرىس جەنە تاقىرىپتىق پٸكٸرتالاس الاڭدارى فورماتىندا ۇيىمداستىرىلدى. فورۋم بارىسىندا قاتىسۋشىلار وتباسى الدىندا تۇرعان زاماناۋي سىن-قاتەرلەر تۋرالى پٸكٸر الماسىپ, اتا-انالار مەن بالالار اراسىنداعى ٶزارا قارىم-قاتىناستىڭ ٷزدٸك تەجٸريبەلەرٸن قاراستىردى.
فورۋم جۇمىسىن اشقان اباي وبلىسى ٸشكٸ ساياسات باسقارماسى باسشىسىنىڭ ورىنباسارى ارمان جەماگۋلوۆ الدا كەلە جاتقان ەكەلەر كٷنٸنٸڭ ماڭىزدىلىعىن اتاپ ٶتٸپ, ۇرپاق تەربيەلەۋدەگٸ وتباسىنىڭ ەرەكشە رٶلٸنە توقتالدى.
– ەڭ الدىمەن, بارشاڭىزدى الداعى مەرەكەمەن – قازاقستاندا دەستٷرلٸ تٷردە ماۋسىم ايىنىڭ ٷشٸنشٸ جەكسەنبٸسٸندە اتاپ ٶتٸلەتٸن ەكەلەر كٷنٸمەن قۇتتىقتاۋعا رۇقسات ەتٸڭٸزدەر. بۇل ەردايىم ەرەكشە كٷن. مەملەكەت باسشىسى وتباسى ينستيتۋتىن ساقتاۋ مەن دامىتۋعا, سونداي-اق جاس ۇرپاقتى تەربيەلەۋگە ەردايىم ايرىقشا كٶڭٸل بٶلەدٸ. سانالى ۇرپاق – مەملەكەتتٸڭ بەرٸك نەگٸزدەرٸنٸڭ بٸرٸ. بۇل رەتتە ەكەلەرگە جٷكتەلەر جاۋاپكەرشٸلٸك ەرەكشە. بٷگٸنگٸ فورۋمنىڭ باستى ماقساتى – ەكەلەردٸ قۇرمەتتەۋ عانا ەمەس, وتباسى ينستيتۋتىن نىعايتۋ جەنە دامىتۋ, سونداي-اق جاستار تەربيەسٸنە قاتىستى ٶزەكتٸ مەسەلەلەردٸ تالقىلاۋ. فورۋم بارىسىندا پٸكٸر الماسىپ, ەكەلەر مەن بالالار اراسىنداعى ٶزارا قارىم-قاتىناسقا قاتىستى ەڭ ماڭىزدى مەسەلەلەردٸ قاراستىرامىز, – دەدٸ ارمان جەماگۋلوۆ.
قازاقستان رەسپۋبليكاسى پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ مٷشەسٸ ايگەرٸم سەرسەنباەۆا ەكەلٸك جاۋاپكەرشٸلٸكتٸڭ ەدٸلەتتٸ ەرٸ قاۋٸپسٸز قوعام قۇرۋداعى ماڭىزى جەنە ەربٸر اتا-انانىڭ جەكە جاۋاپكەرشٸلٸگٸ تۋرالى باياندادى.
– مەملەكەت باسشىسى ۇلتتىق قۇرىلتاي بارىسىندا بٸزدٸڭ ورتاق ماقساتىمىز – زاڭ مەن تەرتٸپ قاعيداتتارى ٷستەمدٸك ەتەتٸن ەدٸلەتتٸ قازاقستاندى قۇرۋ ەكەنٸن اتاپ ٶتتٸ. بۇل مٸندەت – ەلٸمٸزدٸڭ ەربٸر ازاماتىنىڭ جەكە جاۋاپكەرشٸلٸگٸ. ەكەلەر فورۋمى ەلٸمٸزدٸڭ بارلىق ٶڭٸرلەرٸندە جىل سايىن ٶتكٸزٸلٸپ كەلەدٸ جەنە جاقسى دەستٷرگە اينالدى. بۇل الاڭدا بٸز ەكەلەردٸڭ لۋدومانييا, ناشاقورلىق, تۇرمىستىق زورلىق-زومبىلىق سيياقتى زاماناۋي قوعامنىڭ كەلەڭسٸز قۇبىلىستارىمەن كٷرەستەگٸ رٶلٸن تالقىلايمىز. قازٸرگٸ زامانعى ەكە – جاي عانا وتباسى باسشىسى ەمەس, ول بالالار تەربيەسٸنە تٸكەلەي ىقپال ەتەتٸن سانالى اتا-انا. قوعامدا مۇنداي ٷلگٸنٸڭ وڭ نەتيجەلەرٸن كٶرسەتەتٸن مىسالدار جەتكٸلٸكتٸ, – دەدٸ ايگەرٸم سەرسەنباەۆا.
ٶز كەزەگٸندە تاريح عىلىمدارىنىڭ كانديداتى, پروفەسسور امان راحمەتۋللين وتباسىنىڭ قوعامداعى نەگٸزگٸ ينستيتۋت رەتٸندەگٸ تاريحي ماڭىزدىلىعىنا جەنە بولاشاق ۇرپاقتى تەربيەلەۋدەگٸ اتا-انالاردىڭ جاۋاپكەرشٸلٸگٸنە نازار اۋداردى.
– تاريحي تۇرعىدان العاندا, وتباسى ينستيتۋتى كەز كەلگەن قوعامداعى ەڭ ماڭىزدى ينستيتۋتتاردىڭ بٸرٸ بولىپ كەلگەن. وتباسىنسىز قوعامنىڭ دامۋى مٷمكٸن ەمەس, ٶيتكەنٸ وتباسى – تەربيە مەن بولاشاققا باعىت-باعدار بەرەتٸن ورتا. بٸزدٸڭ بولاشاعىمىز تٸكەلەي وتباسىعا بايلانىستى. كەيبٸر ەكەلەر: «بالالارىم توق, كيٸمٸ بٷتٸن, باسپاناسى بار, دەمەك مەن وتباسى ٷشٸن بەرٸن جاساپ جٷرمٸن» دەپ ويلايدى. بۇل تولىقتاي دۇرىس ەمەس. مۇنىڭ بەرٸ – ەكەنٸڭ مٸندەتٸ. تەربيە بەرۋ دە ەكەنٸڭ جاۋاپكەرشٸلٸك ايماعىنا جاتادى ەرٸ بۇل تەك ۇلدارعا عانا ەمەس, قىزدارعا دا قاتىستى. لۋدومانييا, كيبەربۋللينگ جەنە قاتىگەزدٸك كٶرٸنٸستەرٸ كەي جاعدايدا ەكەلٸك تەربيەدەگٸ ولقىلىقتاردىڭ سالدارى بولۋى مٷمكٸن. بۇل – قوعام بولىپ تالقىلاۋدى قاجەت ەتەتٸن ماڭىزدى مەسەلە, – دەدٸ امان راحمەتۋللين.
پلەنارلىق وتىرىستان كەيٸن فورۋم جۇمىسى تاقىرىپتىق الاڭداردا جالعاستى. وندا قاتىسۋشىلار وتباسىلىق تەربيە, وتباسىنداعى ەكەنٸڭ رٶلٸن كٷشەيتۋ, جاسٶسپٸرٸمدەر اراسىنداعى تەۋەلدٸلٸكتەردٸڭ الدىن الۋ, سونداي-اق جاستار اراسىندا دەستٷرلٸ وتباسىلىق قۇندىلىقتاردى قالىپتاستىرۋ جولدارىن تالقىلادى. تالقىلاۋ قورىتىندىسى بويىنشا قاتىسۋشىلار تەجٸريبە الماسىپ, وتباسى ينستيتۋتىن ودان ەرٸ دامىتۋعا جەنە قوعامداعى ەكەلٸك رٶلدٸڭ ماڭىزىن ارتتىرۋعا باعىتتالعان ۇسىنىستار ەزٸرلەدٸ.
