Qazaqstanda "Jasandy intellekt álippesi" kitabynyń tusaýkeseri ótti. Eńbek — qarqyndy damyp kele jatqan jańa sala týraly alǵash ret qazaq tilinde jazylǵan túpnusqa bolýymen erekshelenedi. Is-shara barysynda TurkAI – túrki memleketteriniń jasandy intellektshiler qaýymdastyǵynyń qurylǵany habarlandy. Sondai-aq salalyq "AI-hub" kompaniiasy men ai-hub.kz saity tanystyryldy, - dep habarlaidy Dalanews.kz
Almatyda ótken kitaptyń tanystyrylymyna halyqaralyq sarapshylar ǵalymdar, ziialy qaýym, qoǵam qairatkerleri, media, bilim jáne tehnologiia salasynyń belgili tulǵalary men mamandary qatysty.
"Sarapshylardyń aitýynsha, jasandy intellekt tehnologiiasynyń tiimdiligi jyl ótken saiyn arta túspek. Sondyqtan aldymyzda aýqymdy mindetter tur. Qazaqstan Eýraziiadaǵy asa iri tsifrlyq habqa ainalýǵa tiis. Tsifrlyq damý máselesine tyń, jańasha kózqaraspen qaraý qajet", - dedi Prezident Qasym-Jomart Toqaev.
Jalpy bastamashy toptyń aitýynsha, elimizdiń de atalǵan sala kóshinen qalmaýy úshin eki jyl buryn qazaq tildi aýditoriiaǵa arnap arnaiy eńbek jazýǵa kirisken.
"Eńbek – baǵdarlamalaýdy bilmeitin, biraq AI múmkindikterin zerttep, qoldanǵysy keletin adamdarǵa arnalǵan. Jasandy intellekt salasyndaǵy negizgi uǵymdardy qarapaiym tilmen túsindiredi. Qazirdiń ózinde suranys óte joǵary bolǵandyqtan, kitapty ekinshi basylymǵa jiberip jatyrmyz",- dedi kitap avtory Meiirjan Áýelhanuly.
Belgili jýrnalist, qalamger, pýblitsist ári eńbektiń redaktory Qainar Oljai jasandy intellekt degen ne degen saýalǵa tolyq jaýap beretin kitaptyń óte saýatty jazylǵanyn, qazaq oqyrmanyna aýadai qajet ekenin atap ótti.
"Al jasandy intellekti qalai jumsaý kerek" degender úshin tolyq tájiribelik kýrs qamtylǵan. Oi isindegi qolǵanatqa san salada beriletin tapsyrma (ony "prompt" deidi eken) tolyq tizilgen. Shekesinen shertip alyp qoldana beresiz",-dedi ol.
Qazaq ulttyq qyzdar pedagogikalyq ýniversitetiniń Basqarma tóraǵasy – rektory, Kembridj Ýniversitetiniń túlegi Gúlmira Qanaida óz pikirin aitty.
"Bilim berý salasynda ózgeristerdi jasaityn birden-bir faktor tehnologiia. Atalǵan kitap, otandyq ǵylym men bilim salasynyń jańa ózgeristerge beiimdelýinde mańyzdy qadam dep sanaimyn",- dedi rektor.
Sondai-aq belgili media menedjer, Qazaqstannyń eńbek sińirgen qairatkeri Nurjan Jalaýqyzy, belgili ádebiettanýshy ǵalym Mamai Aqetov, ál-Farabi atyndaǵy Qazaq Ulttyq ýniversitetiniń jýrnalistika fakýlteti dekany Qanat Áýesbai ózge de qatysýshylar óz lebizderin bildirdi.
"Osy kitapty Oqý-aǵartý ministrliginiń sarapshylary qarap shyǵyp, qosar-alar tustary bolsa, avtormen jumys istep, mektepterge taratý kerek. Jasandy intellekt dáýirinde ony durys qoldaný, promptardy durys jazý ádisi mańyzdy dep oilaimyn",- dedi kitap týraly belgili pedagog Ómirbek Shynybekuly.
Kitap Ortalyq Aziia elderinde jasandy intelekt salasyna qatysty alǵash shyqqandyqtan Ózbekstan, Qyrǵyzstan elderinen aýdarýǵa usynystar túsken.
Memlekettik syilyqtyń iegeri, Túrki dúniesi Jazýshylar Odaǵynyń Tóraǵasy Ulyqbek Esdáýlet álemde qazir eń mańyzdy salaǵa ainalǵan jasandy inttelekt boiynsha da baýyrlas elderdiń de alatyn óz enshisi bar ekenin aitty.
Is-shara aiasynda jańa qurylǵan «AI-HUB» kompaniiasynyń maqsaty aityldy. Onyń basshysy Erjanar Ásheihannyń sózinshe, kompaniia – jasandy intellekt, IT, kiber jáne aqparattyq qaýipsizdik, aqparattyq jáne tsifrlyq tehnologiialar, sondai-aq biotehnologiialardy zertteý men damytýǵa baǵyttalǵan biregei uiymǵa ainalýdy kózdeidi. Negizgi maqsaty – ozyq tehnologiialardy túrli salalarǵa engizý, halyqtyń tsifrlyq jáne aqparattyq saýatyn arttyrý, sondai-aq salalyq startaptardy qoldaý.
Jasandy intellektke qatysty alǵash ret oqýlyq basyp shyǵarǵan Ai-Hub publishing baspasy bolsa, aldaǵy ýaqytta jaratylystaný, IT men jasandy intellekt salasyna qatysty álemdegi tanymal kitaptardy qazaqsha aýdarmaq. Sonymen qatar, sala ǵalymdary, mamandarymen birlese otyryp balalarǵa, oqýshylar men stýdentterge arnalǵan oqýlyqtar men ádistemeler ázirleýdi kózdep otyr. Sondai-aq jasandy intellekt terminderin jasaý men entsiklopediiasyn qazirden bastap daiyndaýdy qolǵa almaq.
Sondai-aq «AI-HUB» kompaniiasynyń negizin qalaýshylardyń biri Nurbolat Nyshanbaev túrki memleketteri jasandy intellekt salasy ókilderiniń basyn qosatyn TurkAI qaýymdastyǵy qurylyp, baýyrlas eldermen birlesken jumystar kúsheitiletini habarlandy. Jiynǵa Túrki elderinen jáne Eýropadan jasandy intelekt salasynda jumys isteitin kompaniia basshylary onlain qatysyp, óz pikirlerin bildirdi.
Túrkiianyń Robotzade tehnologiialyq kompaniiasy direktory Mert Doǵan Túrki memleketteriniń jasandy intellekt assotsiatsiiasynyń Qazaqstanda qurylýynyń ózi mańyzdy oqiǵa dep atap ótti.
"Túrki halyqtary arasyndaǵy bailanys tek, saiasat pen ekonomikada ǵana emes, sonymen qatar bilim, ǵylym jáne tehnologiia salalarynda da óte myǵym bolýy qajet dep sanaimyn. Qazaq tilinde tuńǵysh jariialanyp otyrǵan, "Jasandy intellekt álippesi" eńbegimen quttyqtaimyn. Bul kitap, tutas Túrki dúniesi úshin óte zor mańyzǵa ie",- dedi ol.
Al óz kezeginde Birikken Arab Ámirliginiń AI Global kompaniiasy ókili Ammara Aftab kompaniiaǵa sáttilik tiledi.
"Jasandy intellekti salasynda alǵashqy qazaq tilindegi kitaptyń jariialanýy tutas aimaq úshin óte mańyzdy qadam. Qazaqstanda, qurylyp, tutas aýmaqty qamtýdy maqsat etip otyrǵan AI-Hub kompaniiasyna sáttilik tileimin!", - dedi Ammara Aftab.
Shotlandiianyń AI-Tech solution LTD kompaniiasynyń bas direktory Robert Sim de óz oiyn aitty.
"Sońǵy jyldary, jasandy intellekti búkil álem boiynsha ómirdiń barlyq salalaryna kirýde. Bizge birlesip kóptegen jetistikterge jetýge bolady. Aldaǵy ýaqytta Qazaqstannyń AI-Hub kompaniiasymen ortaq jobalarymyzdy júzege asyratymyzǵa senimim mol",-dedi Robert Sim.
Uiymdastyrýshylar aldaǵy ýaqytta kitaptyń tusaýkeseri Astana qalasy men barlyq oblys ortalyqtarynda ótetinin habarlady.
