Depýtat Nartai Sársenǵaliev taksi júrgizýshilerin ózin-ózi retteitin uiymǵa (ÓÓRU) mindetti túrde biriktirý jáne jarna tóleý talabyn qarastyratyn zań jobasy Májilistiń qaraýynan ótpei, muraǵatqa jiberilgenin málimdedi, dep habarlaidy Dalanews.kz.
Buǵan deiin Úkimet basshysynyń orynbasary Roman Skliar jańa zań aiasynda ózin-ózi retteitin uiymdar (ÓÓRU) qurylatynyn aitqan edi. Onyń sózinshe, bul uiymdar jolaýshylar men júkterdi tasymaldaý tarifterin belgileý quqyǵyna ie bolýy tiis bolatyn.
Alaida Májilis depýtattary bul bastamany qoldamady.
"Zań jobasy ekinshi oqylymǵa ótpeidi. Eger ministrlik pilottyq joba jasap, onyń tiimdiligin dáleldei alsa, biz ony qaita qarastyrýymyz múmkin. Áitpese, bul qujat muraǵatta qalady. Qarapaiym taksisterdi qiyn jaǵdaiǵa qaldyrýǵa bolmaidy", – dedi Sársenǵaliev.
Nege depýtattar bul zańǵa qarsy shyqty?
- Tarifterdi retteý quqyǵy jekemenshik uiymdarǵa beriledi
Zań jobasy taksi tarifterin ózin-ózi retteitin uiymdardyń belgileýin qarastyrǵan. Depýtattardyń pikirinshe, bul monopoliia qalyptastyrýǵa alyp kelýi múmkin. Jekemenshik uiymdar baǵany negizsiz ósirýi múmkin, bul óz kezeginde júrgizýshiler men jolaýshylar úshin tiimsiz bolady.
- Jol qaýipsizdigine tónetin qaýip
Jolaýshylardy tasymaldaý salasyndaǵy qaýipsizdik sharalary memlekettiń quzyrynan shyǵyp, jekemenshik uiymdardyń baqylaýyna ótedi. Qaýipsizdik talaptaryn saqtaýǵa baǵyttalǵan memlekettik baqylaý álsireýi múmkin, al bul adam ómirine tikelei qaýip tóndiredi.
- Taksi júrgizýshileri úshin jańa qarjylyq aýyrtpalyq
Zań jobasyna sáikes, barlyq taksi júrgizýshileri ózin-ózi retteitin uiymdarǵa kirýge jáne jarna tóleýge mindetteletin edi. Bul jeke kásipkerler úshin qosymsha shyǵyn ákelip, olardyń tabysyn azaitar edi.
