13 naýryzda QR Premer-Ministri Oljas Bektenovtyń tóraǵalyǵymen ótken sý tasqynyna qarsy is-sharalardy úilestirý jónindegi Respýblikalyq shtab otyrysynda BQO ákimi Nariman Tóreǵaliuly yqtimal sý tasqynyn boldyrmaý úshin qabyldanyp jatqan sharalar týraly esep berdi, - dep habarlaidy Dalanews.kz
«Qazgidromet» derekterine sáikes, oblystaǵy ózenderdegi sý deńgeii qaýipti mejeden tómen bolady dep boljanýda. Degenmen, óńirlik bilik ahýaldy baqylaý úshin qosymsha sharalar qabyldady. Oblystaǵy 22 gidrobeketke qosymsha 7 jańa baqylaý beketi ornatyldy. Sonymen qatar, Jaiyq, Shaǵan jáne Derkól ózenderinde úsh avtomattandyrylǵan baqylaý júiesi iske qosylmaq, olar naýryz aiynyń sońyna deiin tolyq jumys isteidi. Bul júieler sý deńgeiin jedel qadaǵalap, yqtimal qaýipterge jedel áreket etýge múmkindik beredi.
Oblys ákimi óńirdiń azamattyq qorǵanys júiesi joǵary daiyndyq rejimine kóshirilgenin atap ótti.
«Uzyndyǵy 143 shaqyrym bolatyn 81 qorǵanys bógeti salyndy, 9 shaqyrym sý burý arnalary, 93 shaqyrym aryq qazyldy, eldi mekenderge 582 metrlik sý ótkizý qubyrlary ornatyldy, 74 shaqyrym magistraldyq kanaldar tazartyldy. Oblystaǵy barlyq sý qoimalary tranzittik rejimde jumys istep tur», – dep baiandady Nariman Tóreǵaliuly.
Boljamdy tótenshe jaǵdailardyń aldyn alý maqsatynda oblysta edáýir kólemde materialdyq-tehnikalyq resýrstar qory jasaqtaldy. Táýlik boiy 1,8 myń arnaiy tehnika, 123 júzý quraly, 455 motopompa jáne 4 myńnan astam qyzmetker jumyldyrylǵan. Sonymen qatar, 12 myń tonnadan astam inertti material, 413 myń qap, 423 tonna janar-jaǵarmai qory daiyndaldy. 95 myńnan astam qum salynǵan qap ázirlengen.
Budan bólek, 32 myń adamdy ornalastyrýǵa eseptelgen 317 ýaqytsha evakýatsiialyq beketter daiyndaldy. Sondai-aq, aýyl sharýashylyǵy janýarlaryn qaýipsiz aimaqtarǵa kóshirý úshin 195 arnaiy oryndar belgilendi.
Aita keteiik, oblystyq sý tasqynyna qarsy shtab óz jumysyn 10 naýryzda bastaǵan. Qazirgi ýaqytta qys maýsymynyń saldaryn joiý jáne sý tasqynyna daiyndyq jumystary qarqyndy júrgizilýde. 916 myń tekshe metr qar shyǵarylyp, 49,3 myń tekshe metr erigen sý soryldy, 27 shaqyrym sý burý arnalary, 62 shaqyrym aryqtar jáne 1 200-den astam sý ótkizý qubyrlary tazartyldy. Sondai-aq, 1,5 myń sharshy metr jer qaraityldy.
