2025 jyldyń alǵashqy eki aiynyń qorytyndysy boiynsha el ekonomikasynyń jyldyq ósimi qańtardaǵy 3,8%-ben salystyrǵanda 5,4% paiyzǵa údedi. Mundai ósimniń lokomotivteri taý-ken sektory (4,1%, jylyna), óńdeý ónerkásibi (8,9%, jylyna), sondai-aq saýda-sattyq (6%, jylyna) boldy, bul úsh sektor ósiminiń JIÓ-degi jiyntyq úlesi 40%-dan asady. Bul týraly Halyk Finance taldaý ortalyǵynyń basshysy Mádina Qabjalalova óz sholýynda aitady, dep habarlaidy Dalanews.kz.
Joǵary ósimdi kórsetken basqalaryna qurylys (12,8%, jylyna), tasymal jáne qoima (21,3%, jylyna) salalary jatady. Aýyl sharýashylyǵynda 2024 jylǵy rekordtyq eki tańbaly kórsetkishterden keiin jyl basynan beri birshama baiaýlaý baiqalady (qańtarda - 3,8% jáne aqpan aiynda - 3,2%).
"Biz 2025 jyly ekonomikalyq ósim boiynsha aldaǵy boljamymyzdaǵy 5,3% deńgeiin ózgertpei, bul joly da sol kórsetkishti ustanamyz. Mundai ósimge josparlanyp otyrǵan munai óndirisi kólemin arttyrý, fiskaldyq yntalandyrý jáne iri infraqurylymdyq jobalardy iske asyrý qoldaý kórsetýi tiis", - deidi sarapshy.
Onyń aitýynsha, 2025 jyldy Qazaqstan ekonomikasy baiaýlap bastady: qańtarda jyldyq qysqa merzimdi ekonomikalyq indikator 4,5%, al JIÓ-niń jyldyq jalpy ósimi 3,8% deńgeiinde qalyptasty, al bul kórsetkish aqpan aiynda (+1,6 p. t.) 5,4%-ǵa deiin ósti.
Eń jaqsy ósim qaita óńdeý salasynda tirkeldi: qańtardaǵy jyldyq 3,7%-dan 8,9%-ǵa deiin údedi. Bálkim, mundai eleýli ósim mashina jasaý (2025 jyly eki aida 18,2%), sondai-aq, azyq-túlik óndirisi (2025 jyly eki aida 13,1%) salalaryndaǵy ósimmen bailanysty bolýy múmkin. Metall buiymdarynyń óndirisi aǵymdaǵy jyldyń alǵashqy eki aiynda 21,1%-ǵa ósti.
Sonymen qatar osy sanatqa qaita óńdeý ónerkásibi salasyndaǵy 41%-dy quraityn barlyq metallýrgiialyq óndiris nemese úlesi mardymsyz tek daiyn metall buiymdar óndirisi kiredi me, ol jaǵy túsiniksizdeý.
Taý-ken sektory ósimi jaǵynan ótken jylǵy baiaý, tipti teris dinamikadan keiin rekord kórsetti: aǵymdaǵy jyldyń qańtar aiyndaǵy ósimi - 1,3%. Buǵan 2024 jyly qańtar-aqpan ailaryndaǵy 15,1 mln tonnamen salystyrǵanda 2025 jylǵy qańtar-aqpan ailaryndaǵy 15,6 mln tonna bolǵan munai óndirisiniń kólemi dálel. Sondai-aq metall kenderi óndirisi de artty (3,5%), onyń úlesi taý-ken óndirisiniń 20%-yn quraidy. Aqpan aiynda aitarlyqtai artqan munai óndirisiniń kólemi OPEK-tiń táýligine 279 myń barrel óndirý týraly josparynda belgilengen shekten asyp tústi. Sondyqtan naýryz aiynda, OPEK + mindettemeleri boiynsha munai óndirisi kólemi tómendeidi, bul taý-ken sektorynyń jáne ónerkásipterdiń damý qarqynyna teris áser etýi múmkin.
2024 jyldyń qorytyndysy boiynsha qańtar aiyndaǵy saýda-sattyq ósimi qarqynynyń 9,1%-dan 3,9% -ǵa deiin kúrt tómendeýine bailanysty saýda salasy óndiristi ulǵaita bastady, qańtar-aqpan ailarynyń qorytyndysy boiynsha onyń ósimi 6% -dy qurady. Kóterme-bólshek saýda salasyndaǵy dinamika áli belgisiz, astyq, tuqymdar men mal azyǵyn, farmatsevtikalyq taýarlardy, avtomobilder men jeńil avtokólik quraldary saýdalaýshy kóterme saýda kásiporyndarynyń joǵary úlesi ǵana atap kórsetiledi.
Qurylys jáne kólik salalary turaqty ósim ie: sáikesinshe jylyna 12,8% jáne 21,3% deńgeiinde, tipti ótken jyldarǵy dinamikadan asyp túsedi. Aýyl sharýashylyǵyndaǵy ósim jyldyq sipatta 3,2 %dy qurady (2025 jyldyń qańtarynda – jyldyq ósim 3,8%), bul byltyrǵy eki tańbaly qarqynnan áldeqaida tómen.
"Biz 2025 jyldyń aiaǵynda ekonomikalyó ósim boiynsha aldyndaǵy boljamymyzdaǵy 5,3% deńgeiinde bul joly da qala beremiz. Bul arada munai baǵalarynyń tómendeýi, aqsha-kredit sharttarynyń qatańdaýy, iaǵni 7 naýryzda infliatsiia aldy kútý táýekelderiniń joǵary ekenin eskere otyryp, Ulttyq Bank bazalyq mólsherlemeni birden 1,25 bazistik pýntkke kóterip, 16,5% deńgeiinde bekitý sipatynda baǵalar ósimin tejeitin faktorlar esepke alyndy. Sonymen qatar, aǵymdaǵy jyldyń munai óndirisi kólemine qatysty áli naqtylyq joq. Teńiz ken orynynda Keleshek keńeitý jobasyn synaqtan ótkizý, osylaisha munai óndirisi kólemin ulǵaitý men OPEK+ aldyndaǵy shekteý boiynsha mindettemeler týraly bir mezettegi jańalyqtar aiasynda munyń bári biylǵy jylǵy ekonomikalyq ósim qarqynyn tejeýi múmkin dep qaýipti týdyrady", - deidi Mádina Qabjalalova.
Buǵan deiin saitymyzda Eýraziialyq damý banktiń boljamyn jariialap, 2028-2029 jyldary Qazaqstannyń eń joǵary tabysty elder tobyna kirýi múmkin ekenin jazǵanbyz.
