Saryaǵashtaǵy medresede balalardyń ustazyna aiaq massajyn jasap jatqan videosy internette taraǵannan keiin daý týdy. "Orda" tilshileri medresege biyl 290 million teńge bólingenin anyqtaǵan, dep habarlaidy Dalanews.kz.
Jyl saiyn Satybaldy Ábishuly atyndaǵy medrese-kolledji biýdjetten 200 million teńgeden astam qarjy alady. Alaida bul qarajattyń qaida jumsalyp jatqany áli kúnge deiin ashyq emes.
Alty jylda eki milliardqa jýyq qarjy
Resmi málimetterge sáikes, 2018 jyldan beri medrese biýdjetten 1,9 milliard teńgeden astam qarajat alǵan. Eń úlken somalar 2018–2019 jyldary bólingen. Qarajat birden emes, jyl boiy birneshe transhpen aýdarylǵan.
Sońǵy memlekettik tólem 2025 jylǵy 8 qańtarda jasaldy.
Jyldar boiynsha qarjylandyrý:
- 2018 jyl — 336 mln teńge;
- 2019 jyl — 400 mln teńge;
- 2020 jyl — 137 mln teńge;
- 2021 jyl — 54 mln teńge;
- 2022 jyl — 143 mln teńge;
- 2023 jyl — 296 mln teńge;
- 2024 jyl — 280 mln teńge;
- 2025 jyl — 290 mln teńge.
Qomaqty qarajat bólingenimen, onyń naqty qaida jáne qalai jumsalǵany týraly tolyq esep áli qoljetimsiz.
