Búgin Býrabaida Ulttyq quryltaidyń IV otyrysy ótip jatyr. Eki kúnge josparlanǵan jiynda eldegi ózekti máseleler talqylanyp, qoǵam ókilderi óz usynystaryn ortaǵa salady. Osy oraida belgili zańger Aigúl Orynbek Ulttyq quryltaidyń mańyzy jaily sóz qozǵady, dep habarlaidy Dalanews.kz.
Zańgerdiń aitýynsha, Ulttyq quryltai bilik pen halyq arasyndaǵy bailanysty nyǵaitýǵa múmkindik beredi.
“Bul – qoǵam men memlekettiń ózara dialogyn qalyptastyratyn alań. Munda halyqtyń pikiri tyńdalyp, mańyzdy usynystar talqylynady”, – deidi ol.
Onyń pikirinshe, quryltaida kóterilýi múmkin basty máseleler mynalar:
• Áleýmettik sala – muǵalimder men dárigerlerdiń jalaqysy, áleýmettik qorǵaý júiesi, jumyssyzdyq;
• Ekonomika – kásipkerlikti damytý, investitsiia tartý, aýyl sharýashylyǵyn qoldaý;
• Quqyq qorǵaý júiesi – zań buzýshylyqtardyń aldyn alý, politsiia qyzmetin reformalaý, adam quqyqtaryn saqtaý;
• Bilim jáne meditsina – sapaly bilim berý men meditsinalyq qyzmetterdiń qoljetimdiligi;
• Ekologiia – qorshaǵan ortany qorǵaý, tabiǵi resýrstardy tiimdi paidalaný.
Orynbektiń aitýynsha, quryltai usynǵan bastamalar qoǵam úshin paidaly bolýy kerek.
“Basty maqsat – halyqtyń ómir súrý sapasyn jaqsartýǵa baǵyttalǵan reformalarǵa jol ashý. Eger usynystar naqty mehanizmder arqyly júzege assa, olardyń tiimdiligi artady”, – deidi ol.
Zańgerdiń pikirinshe, quryltai sheshimderiniń oryndalýyn qamtamasyz etetin birneshe tetik bar.
“Birinshisi — zańnamalyq ózgerister. Munda quryltai usynǵan bastamalar zań júzinde bekitilip, jańa zańdar qabyldanýy múmkin. Ekinshisi — memlekettik baǵdarlamalar . Bul jerde usynystar negizinde jańa áleýmettik-ekonomikalyq baǵdarlamalar jasaqtalýy múmkin”, — dep qosty ol.
Zańger Qazaqstandaǵy quqyqtyq reformalar týraly jii sóz qozǵaidy. Onyń pikirinshe, Ulttyq quryltai bul baǵytta naqty ózgeristerge bastama bola alady.
“Eger quryltaida quqyq qorǵaý júiesiniń ashyqtyǵy, sot reformasy, azamattardyń quqyqtaryn qorǵaý máseleleri kóterilse, bul quqyqtyq júieni jaqsartýǵa yqpal etedi”, – deidi ol.
Zańger Ulttyq quryltai quqyqtyq salada kelesi ózgeristerge jol ashýy múmkin dep sanaidy:
• Quqyq qorǵaý júiesiniń reformasy – politsiia men sot júiesiniń ashyqtyǵyn arttyrý;
• Adam quqyqtaryn qorǵaý – zańdardy jetildirý, quqyq buzýshylarǵa qatań jaýapkershilik engizý;
• Quqyqtyq saýatty arttyrý – halyqtyń zańdyq bilimin kóterýge arnalǵan baǵdarlamalar ázirleý;
• Sot júiesin reformalaý – sottardyń táýelsizdigin kúsheitý, sheshimder qabyldaý protsesin ashyq etý.
“Azamattardyń quqyqtary men bostandyqtaryn qorǵaý – memlekettiń basty mindeti. Ulttyq quryltai osy máselelerge erekshe nazar aýdarýy kerek”, – dep túiindedi Aigúl Orynbek.
Aita keteiik, 14 naýryzda memleket basshysy Qasym-Jomart Toqaev Býrabaida ótetin Ulttyq quryltaidyń IV otyrysyna qatysady. Bul týraly prezidenttiń baspasóz hatshysy Rýslan Jeldibai habarlady.
Jiynda Memleket basshysy sóz sóilep, Ulttyq quryltai músheleri qoǵamdaǵy ózekti máselelerge qatysty usynystaryn ortaǵa salady.
Ulttyq quryltaidyń buǵan deiingi otyrystary:
2022 jyly – Ulytaýda;
2023 jyly – Túrkistanda;
2024 jyly – Atyraýda ótti.
