Konferentsiiaǵa sonymen qatar QR Densaýlyq saqtaý ministri Eljan Birtanov, Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Alik Shpekbaev qatysyp, meditsinalyq qyzmet kórsetý salasyndaǵy jańǵyrtý boiynsha atqarylǵan jumystar týraly aitty.
– Meditsinalyq qyzmetti tsifrlandyrýdyń tiimdiligin iske asyrýdyń barysy erekshe oryn alady. Bul tek bizde, Qazaqstanda ǵana osy jolmen emes, qazir barlyq elder áleýmettik salasyn tsifrlandyryp jatyr. Tsifrlandyrýdy emhanalardan bastaý kerek. Bul – eń aldymen, halyqty tolǵandyratyn nemese óz dárigerine qalai ońai barýǵa bolady degen másele. Osyǵan orai, biz qazir dáriger tańdaý, meditsina uiymdaryn tańdaý múmkindigine ie bolý úshin jańa keshendi meditsinalyq aqparattyq júiege aýysyp jatyrmyz. Kún saiyn bizde alty myń adam tirkeledi, bul jylyna shamamen million adam. Kóptegen adamdar birneshe mekemege qatarynan tirkelip alǵan, bul degeniń aqshanyń ai saiyn basqa jaqqa ketip jatqandyǵyn kórsetedi. Sol úshin álgindei faktilerdi anyqtaýda meditsinalyq saqtandyrý qory jumysyn bastady, – dedi densaýlyq saqtaý ministri.
Kezdesýde meditsinalyq qyzmet kórsetý salasyndaǵy jańalyq tanystyryldy. Ol buǵan deiin de qalanyń biraz meditsina mekemelerine engizildi. Mysaly, emhanada aqparattyq bazada saqtaýly turǵan patsienttiń elektrondy qujaty bar. Dárigerge kelgen kezde aýrý tarihy árdaiym qoljetimdi bolyp turady. Bul ambýlatoriialyq qaǵaz kartasyn saqtaýdy qajet etpeidi.
– Búginge deiin barlyq vedomstvoǵa qarasty uiymdarda aqparattyq júie engizildi. Shtat 100% oqytyldy. Klinika internetpen, kompiýterlik tehnikamen tolyqtai jabdyqtaldy. Osy jumystyń nátijesinde Astana halqynyń 93%-ynda densaýlyq týraly elektrondy qujaty bar. Ol bolashaqta meditsinalyq jazbalarmen tolyǵa túsedi. Bul bizge diagnozdy naqty qoiýǵa, sapaly emdeýge kómek kórsetedi, – deidi qoǵamdyq densaýlyq saqtaý basqarmasynyń basshysy Kamaljan Nadyrov ákimge esep berýinde.
Onyń aitýynsha, osy jyldan bastap emdik preparattardy berý emhanalardyń ózinde júzege asyrylady.
– Ótken jyly bizdiń patsientter aldymen emhanaǵa kelip retseptin alyp, ary qarai jekemenshik zerthanaǵa barsa, qazir bul problema sheshilgen, patsient dárigerge kelgen soń retseptini sol jerde alyp, medmekemeden ketpesten dárilik preparattardy ala alady. Dárimen qamtamasyz etýge qoljetimdilikten basqa, bul bizge qajetti jetispeitin dárilerdi satyp alýǵa ketetin 1 milliard teńgeni únemdeýge múmkindik berdi, – dedi Nadyrov.
Kezdesýge qatysýshylarǵa patsientterdiń emin-erkin mekemedegi kabinetterdiń ornalasýyn ońai taýyp alýǵa múmkindik beretin intýitivti navigatsiia júiesin tanystyrdy. Sondai-aq emhana zamanaýi tsifrly kioskilermen jabdyqtaldy, onda arnaiy konsýltanttar tilek bildirýshilerge navigatsiiany paidalanýdy úiretedi.
Mekemeniń tórtinshi qabatynda sitýatsiialyq ortalyq salyndy. Onyń ishinde klientterge baǵyttalǵan qaǵida boiynsha jumys isteitin jańartylǵan saII-ortalyq bar. Sitýatsiialyq ortalyqta onlain-rejimde emhananyń júktemesin anyqtaý boiynsha qajetti aqparattar kórsetilgen.
