Astanada biznes qarqyndy damýda
– Búginde qalanyń saiasaty jeke kásipkerlikti qoldaýǵa jáne investitsiialar tartýǵa baǵyttalǵan jáne osy baǵyt jaqsy nátijeler kórsetýde. Mysaly, jyl basynan beri 443,1 mlrd teńge investitsiia tartyldy. Ótken jylmen salystyrǵanda 5,2 % ósken. Shaǵyn jáne orta biznes salasynda jumys istep turǵan sýbektilerdiń sany 10,7%-ǵa artyp, 106,5 myńǵa jetti, – dedi Á.Isekeshev.
Shaǵyn jáne orta biznesti belsendi qoldaýdyń arqasynda ai saiyn Astana qalasynda shamamen 2200 jańa shaǵyn jáne orta biznes sýbektileri ashylady. 2018 jyldyń qańtar-mamyr ailary aralyǵynda olardan biýdjetke shamamen 188 mlrd teńge salyqtyq túsimder túsken.
Ekonomika sektorynda 11 046 jańa jumys orny ashyldy, bul ótken jyldyń osy kezeńimen salystyrǵanda 18,5%-ǵa artyq.
«Jalpy, Astana qalasynyń áleýmettik-ekonomikalyq damýynyń josparlanǵan nysanaly indikatorlaryna qol jetkizý boiynsha jumys jalǵasady», – dep qorytyndylady Á. Isekeshev.
Sonymen qatar ónerkásipte 2,3%-ǵa (285,9 mlrd teńge), óńdeý ónerkásibinde 2,6 paiyzǵa ósim bar.
