«KazTAG» aqparat agenttiginiń quryltaıshysy ári bas dırektory Áset Mataev tergeý ızolátorynan úıqamaqqa aýystyryldy. Bul týraly onyń advokaty Rena Kerımova málimdedi, dep habarlaıdy Dalanews.kz.
Mataev 17 naýryzda Almatynyń Medeý aýdanynda bolǵan tóbelesten keıin ustalǵan. Oǵan Qazaqstan Respýblıkasy Qylmystyq kodeksiniń 293-baby 2-bóligi (buzaqylyq) boıynsha aıyp taǵylǵan.
Polısıanyń aldyn ala málimetinshe, oqıǵaǵa qatysqan eki azamat (M. jáne R.) kóńil kóteretin mekemeden shyqqannan keıin mas kúıinde sózge kelip, janjal sońy tóbeleske ulasqan.
26 naýryzda Rena Kerımova tergeý ızolátorynda jýrnalıske barǵanyn aıtty. Onyń sózinshe, Mataevtyń densaýlyǵynda aýyr jaraqattar tirkelgen: mańdaıynda úlken tigis bar, kózi isip ketken, betiniń jartysy kógerip, isingen. Osyndaı jaǵdaıda ol jańadan jetkizilgen ózge de qamaýdaǵylarmen birge karantınde otyrǵan.
