«KazTAG» aqparat agenttiginiń quryltaishysy ári bas direktory Áset Mataev tergeý izoliatorynan úiqamaqqa aýystyryldy. Bul týraly onyń advokaty Rena Kerimova málimdedi, dep habarlaidy Dalanews.kz.
Mataev 17 naýryzda Almatynyń Medeý aýdanynda bolǵan tóbelesten keiin ustalǵan. Oǵan Qazaqstan Respýblikasy Qylmystyq kodeksiniń 293-baby 2-bóligi (buzaqylyq) boiynsha aiyp taǵylǵan.
Politsiianyń aldyn ala málimetinshe, oqiǵaǵa qatysqan eki azamat (M. jáne R.) kóńil kóteretin mekemeden shyqqannan keiin mas kúiinde sózge kelip, janjal sońy tóbeleske ulasqan.
26 naýryzda Rena Kerimova tergeý izoliatorynda jýrnalistke barǵanyn aitty. Onyń sózinshe, Mataevtyń densaýlyǵynda aýyr jaraqattar tirkelgen: mańdaiynda úlken tigis bar, kózi isip ketken, betiniń jartysy kógerip, isingen. Osyndai jaǵdaida ol jańadan jetkizilgen ózge de qamaýdaǵylarmen birge karantinde otyrǵan.
