BQO-da alaiaqtyq jolmen alynǵan qarajatty dropperler arqyly ainalymǵa shyǵarý shemasy áshkerelendi, dep habarlaidy Dalanews.kz.
QMA Batys Qazaqstan oblysy boiynsha departamenti azamattardyń bank shottaryna zańsyz qol jetkizip, qylmystyq qarjy operatsiialaryn júzege asyrǵan toptyń áreketin toqtatty.
Kúdikti Veidner T.E. alaiaqtyqpen alynǵan qarajatty úshinshi tulǵalardyń shottary arqyly aýdaryp, qolma-qol aqshaǵa ainaldyrýǵa baǵyttalǵan shemany ázirlep úilestirgen. Ol osy maqsatta dropperdi, ózge de tulǵalardy zańsyz áreketterge tartyp, olardyń árqaisysyna naqty mindetter bólip bergen.
Mundai áreketterge qatysqany úshin dropperlerge 200-den 350 AQSh dollaryna deiin syiaqy tólegen.
Máselen, 2025 jylǵy qazanda Oral qalasyndaǵy stýdentterdiń biriniń atyna bank shottary ashylyp, onlain-bankingke qol jetkizý derekteri shema uiymdastyrýshysyna berilgen. Atalǵan shottar arqyly internet-alaiaqtyqtan túsken qarajat júrgizilip, keiin olar aiyrbastalyp, shetelge aýdarylǵan.
Shot iesi bolyp jatqan áreketterdiń zańsyz ekenin túsingen soń, óz erkimen quqyq qorǵaý organdaryna júginip, sonyń nátijesinde qarjy operatsiialaryn der kezinde shekteýge múmkindik týǵan. Shottar buǵattalǵannan keiin kúdikti men onyń sybailastary jábirlenýshige qysym kórsetip, bank qosymshalaryn qaita verifikatsiialaýdy talap etken.
Ony páterde zańsyz ustap, kúsh qoldanamyz dep qorqytyp, uialy telefonyn lombardqa ótkizýge májbúrlegen, al túsken qarajatty ózara bólisken.
Sonymen qatar, kúdiktiler shottardaǵy shekteýlerdi alyp tastaýǵa áreket jasap, jábirlenýshini bankter men ákimshilik organdarǵa ertip júrgen.
Shema uiymdastyrýshysy qamaýǵa alyndy, al onyń alty sybailasyna qatysty kepil jáne elden shyqpaý túrindegi bultartpaý sharalary qoldanyldy.
Is sotqa joldandy.
