9 sáýirde Astanada Freedom Inside halyqaralyq forýmy ótedi. Is-sharany Freedom Holding Corp. uiymdastyrady. Bir pikirtalas alańynda biznes vizionerleri, memlekettik laýazymdy tulǵalar, investorlar, kásipkerler, kreativti indýstriia ókilderi jáne tehnologiialyq jańashyldar bas qosady, dep habarlaidy Dalanews.kz.
Baiandamalardyń bir bóligi kompaniianyń halyqaralyq strategiiasyna arnalmaq. Sondai-aq forým qatysýshylary tsifrlyq servisterdiń damýy men tehnologiialyq ónimder naryǵyn talqylaidy. Sonymen qatar kompaniia Freedom tsifrlyq ekojúiesiniń damýyna qatysty jańalyqtardy tanystyrady. Bul ekojúie kompaniianyń qarjylyq jáne tehnologiialyq servisterin biriktirip, paidalanýshylarǵa Freedom SuperApp qosymshasy arqyly qoljetimdi.
Forým spikerleriniń qatarynda Freedom Holding Corp. negizin qalaýshy jáne bas atqarýshy direktory Timýr Týrlov, Qazaqstannyń halyq ártisi, ánshi ári kompozitor Dimash Qudaibergen, Astana Hub negizin qalaýshy jáne CEO-sy Maǵjan Madiev bar.
Iskerlik baǵdarlamadan bólek, forým qarym-qatynas pen ideia almasýǵa arnalǵan keńistik usynady: qonaqtardy interaktivti aimaqtar, tehnologiialyq demonstratsiialar jáne kásibi netvorking múmkindikteri kútedi. Barlyǵy 30-dan astam spikerdiń sózi josparlanǵan. Pikirtalastar Táýelsizdik saraiyndaǵy eki sahnada ótedi.
Forým baǵdarlamasy men biletter týraly tolyq aqparat freedominside.kz saitynda.
