Shymkentte óz balalaryn qorlaǵan 30 jastaǵy áielge sot úkimi shyqty. Tergeý málimetinshe, áiel balalaryn júieli túrde uryp-soǵyp, túrli azaptaý áreketin jasaǵan, dep habarlaidy dalanews.kz.
Balalardyń ákesi uzaq ýaqyt vahtalyq jumysta júrgen. Quqyq qorǵaý organdaryna balalarǵa kórsetilgen qatigezdik týraly áieldiń enesi habarlaǵan.
Keiin áiel ustalyp, balalar kámeletke tolmaǵandardy beiimdeý ortalyǵyna ornalastyrylǵan. Tergeý barysynda áiel ulynyń aýzyna qyzdyrylǵan shanyshqy basqany anyqtalǵan.
Sondai-aq, onyń beti men denesin útikpen kúidirgen. Málimetke súiensek, áiel qyzynyń shashyn taqyrlap alyp tastaǵan. Balalardy qysta muzdai sýǵa túsirgen jaǵdailar da tirkelgen.
Jábirlenýshi balalardyń barlyq jaýaby videoǵa jazylyp, sotta zerttelgen. Iste psihologiialyq jáne fizikalyq zorlyq-zombylyq derekteri qaralǵan.
Saraptama áieldiń esi durys ekenin anyqtaǵan. Shymkent qalasynyń qylmystyq ister jónindegi aýdanaralyq soty áieldi 5 jyl 3 aiǵa bas bostandyǵynan aiyrdy.
