21 jastaǵy Nurai Serikbaidyń ólimine qatysty is boiynsha kúdikti psihiatriialyq saraptamadan ótip, psihikalyq turǵydan saý dep tanyldy, dep habarlaidy dalanews.kz.
Bul týraly marqumnyń otbasynyń advokaty Aianhan Omarov málimdedi. Onyń aitýynsha, 28 jastaǵy kúdikti psihiatriialyq ortalyqtan qaitadan Shymkenttegi tergeý izoliatoryna aýystyrylǵan.
Advokattyń sózinshe, júrgizilgen saraptama er adamnyń psihikalyq densaýlyǵynda aýytqý joq ekenin anyqtaǵan.
«Saraptama kúdiktiniń psihikalyq turǵydan saý ekenin jáne zań aldynda jaýap bere alatynyn kórsetti», – dedi Omarov.
Buǵan deiin kúdiktiniń psihiatriialyq ortalyqqa aýystyrylýy Nuraidyń jaqyndarynyń alańdaýshylyǵyn týdyrǵan. Marqumnyń týystary er adam jazadan qutylyp ketýi múmkin dep qaýiptengen.
Qazir jábirlenýshi tarap tek kúdiktiniń ózin ǵana emes, onyń týystaryn da jaýapkershilikke tartýdy talap etip jatyr.
Advokattyń aitýynsha, Nuraidyń otbasy qyzdy nekege májbúrleýge qatysy bar adamdardy da is aiasynda jaýapqa tartýdy birneshe ret suraǵan.
