Prezident Qasym-Jomart Toqaev janýarlarǵa jaýapkershilikpen qaraý máselesine qatysty zańǵa qol qoidy, dep habarlaidy dalanews.kz.
Bul týraly Aqordanyń baspasóz qyzmeti habarlady.
Resmi málimetke sáikes, memleket basshysy «Janýarlarǵa jaýapkershilikpen qaraý máseleleri boiynsha Qazaqstan Respýblikasynyń keibir zańnamalyq aktilerine ózgerister men tolyqtyrýlar engizý týraly» zańǵa qol qoiǵan.
Janýar ieleriniń jaýapkershiligi kúsheitiledi
Jańa zań aiasynda úi janýarlaryn kútip-baǵý jáne serýendetý erejelerine qatysty talaptar kúsheitiledi. Sonymen qatar, janýarlardyń basqa adamdarǵa nemese olardyń múlkine ziian keltirýine jol bermeý mindeti naqty belgilengen.
Zańda talaptar buzylǵan jaǵdaida keltirilgen shyǵyndy óteý máselesi de qarastyrylǵan. Osylaisha qujatta janýar úshin eń aldymen iesiniń jaýapkershiligi basty orynǵa qoiylǵan.
Janýarlardy mindetti túrde chipteý engiziledi
Zań aiasynda janýarlardy esepke alý júiesin retteý úshin mindetti chipteý usynylǵan. Bilik muny janýarlardy sáikestendirýdiń biryńǵai ári túsinikti tásili dep otyr. Janýarlardy satý men berý baqylaýǵa alynady
Sonymen birge janýarlardy ósirý jáne ainalymǵa shyǵarý salasyndaǵy baqylaý da kúsheitiledi. Endi janýarlardy berý nemese satý tek tirkeý bolǵan jaǵdaida ǵana júzege asyrylady.
Jabaiy janýarlardy ońaltýǵa qatysty norma engizildi
Zańda jabaiy janýarlardy ońaltyp, tabiǵi ortaǵa qaita beiimdeýmen ainalysatyn uiymdarǵa qatysty da jeke norma qarastyrylǵan. Aqorda mundai ózgerister jabaiy janýarlardyń genetikalyq qoryn saqtaýǵa kómektesetinin atap ótti.
