Tanymal ánshi Maqpal Júnisova áleýmettik jelidegi paraqshasynda áserli jazba jariialap, týǵan aǵasy Bolatty eske aldy, dep dalanews.kz tilshisi ozgeris.info saityna silteme jasap habarlaidy.
Óner iesi óziniń oryndaýyndaǵy "Baýyrymdy saǵyndym" ánin júktep, marqum aǵasyna degen saǵynyshyn jetkizdi.
Ánshiniń aitýynsha, aǵasy Bolat 1961 jyly dúniege kelgen. Ol 1983 jyly Ertis ózeninde qyzdy qutqaramyn dep sýǵa aǵyp ketken.
"Týǵan aǵam Bolat, 1961 jylǵy. 1983 jyly Ertistiń sýynda qyzdy qutqaramyn dep birge aǵyp kete bardy. Topyraǵyń torqa bolsyn, jan aǵam", – dep jazdy Maqpal Júnisova.
Jeli qoldanýshylary ánshige kóńil aityp, marqumnyń jatqan jeri jaily bolsyn degen tilekterin qaldyrdy.
"Imandy bolsyn", "Baýyryńyzdyń jatqan jeri jaily bolsyn", "Jatqan jeri jaryq bolsyn", – dep jazdy oqyrmandar.
