SQO-da áiel siyryn satyp, kúieýinen jasyrý úshin politsiiaǵa jalǵan habar bergen

SQO-da áiel siyryn satyp, kúieýinen jasyrý úshin politsiiaǵa jalǵan habar bergen
JI: Dalanews.kz

Soltústik Qazaqstan oblysynyń Esil aýdanynda aýyl turǵyny siyryn 550 myń teńgege satyp jiberip, keiin kúieýinen muny jasyrý úshin politsiiaǵa maldyń joǵalǵany týraly aryzdanǵan, dep habarlaidy dalanews.kz.

Áiel tártip saqshylaryna úiinen shyǵarda qaqpany jabýdy umytyp ketkenin, al qaityp kelgende qara tústi, basy men baýyrynda aq daqtary bar siyrynyń joq ekenin aitqan.

Habarlama túsken soń politsiia mal urlyǵy bolýy múmkin degen boljammen izdestirý jumystaryn bastaǵan. Alǵashqy kúni aýdandyq politsiia bóliminiń jeti qyzmetkeri aýyldy jáne oǵan jaqyn aýmaqtardy aralap, turǵyndardan jaýap alǵan. Kelesi kúni izdeý jumystaryna kórshiles aýyldyq okrýgterdiń ýchaskelik inspektorlary, kinolog pen qyzmettik it, sondai-aq dron operatory jumyldyrylǵan. Politseiler aýmaqty tekserip, beinebaqylaý kameralaryndaǵy jazbalardy da qaraǵan.

Alaida tekserý nátijesinde siyrdyń urlanbaǵany jáne joǵalmaǵany belgili boldy. Áiel maldy basqa aýdannyń turǵynyna 550 myń teńgege satyp jibergen eken. Onyń aitýynsha, mundai sheshimge ápkesine qarjylai kómektesý úshin barǵan. Biraq siyrdy kúieýiniń kelisiminsiz satqandyqtan, bul áreketin odan jasyrýǵa tyrysqan. Sóitip, mal joǵaldy dep politsiiaǵa jalǵan habar bergen. Sonyń saldarynan tártip saqshylary eki kún boiy joǵalmaǵan siyrdy izdeýge májbúr bolǵan.

Quqyq qorǵaý organdaryna kórineý jalǵan habar bergen áiel zań aiasynda jaýapkershilikke tartyldy.