Buyers Union qarjy piramidasy: 5 adamǵa qatysty tergeý aiaqtaldy

Buyers Union qarjy piramidasy: 5 adamǵa qatysty tergeý aiaqtaldy
QMA

Qarjylyq monitoring agenttiginiń Astana qalasy boiynsha departamenti Buyers Union qarjy piramidasynyń jumysyn uiymdastyryp, oǵan basshylyq jasady degen kúdikke ilingen 5 adamǵa qatysty tergeýdi aiaqtady, dep habarlaidy dalanews.kz.

Kúdiktiler óz qyzmetin zańdy etip kórsetý úshin tutyný kooperativi mártebesin paidalanǵan. Iri biznes ortalyqtarynan keńseler jaldap, óńirlerde bólimsheler ashqan.

Keńseler jelisi Astana, Aqtaý, Aqtóbe, Oral, Atyraý, Kókshetaý, Qaraǵandy, Taraz, Shý, Almaty, Shymkent qalalarynda jáne elimizdiń basqa da eldi mekenderinde jumys istegen.

Áleýmettik jeliler men internet platformalarynda azamattarǵa baspana nemese kólik satyp alý úshin "paiyzsyz" qaryz alý, qoldanystaǵy nesielerin qaita qarjylandyrý, Trade-in baǵdarlamalaryn paidalaný múmkindigi jarnamalanǵan.

Alaida qaryz alýdyń basty sharttarynyń biri kooperativke jańa músheler tartý bolǵan. Azamattar bastapqy úlestik jarnasyn tólegennen keiin kezekke turǵan. Al kezek jyljýy jańadan qosylǵan qatysýshylar qansha aqsha salǵanyna bailanysty bolǵan.

Osylaisha 332 azamatpen jalpy somasy 562 mln teńgeden asatyn kelisimsharttar jasalǵan. Sottyń ruqsatymen 6 kólikke, 5 513 USDT jáne 1 003 Futeres kólemindegi kriptoaktivterge tyiym salyndy.

Qylmystyq is sotqa joldandy.