Almaty oblysynda jolaýshylar avtobýsy men poiyzdyń qatysýymen iri jol-kólik oqiǵasy boldy. Apat Almaty - Boraldai - Shamalǵan stantsiiasy baǵytyndaǵy temirjol ótkelinde tirkelgen, dep habarlaidy Dalanews.kz.
Óńirlik politsiia departamentiniń málimetinshe, marshrýttyq avtobýstyń júrgizýshisi kómir stantsiiasynan kele jatqan poiyzǵa jol bermei, soqtyǵysqa jol bergen. Qazir oqiǵanyń barlyq mán-jaiyn anyqtaý úshin tekseris júrgizilip jatyr.
Jol apaty saldarynan alty adam zardap shekti.
Oblystyq densaýlyq saqtaý basqarmasynyń málimetinshe, zardap shekkenderdiń barlyǵy jedel járdem brigadalary arqyly Ile aýdandyq ortalyq aýrýhanasyna jáne Boraldai kentiniń aýdandyq aýrýhanasyna jetkizildi.
Dárigerlik tekserýden ótip, qajetti meditsinalyq kómek kórsetilgennen keiin naýqastar ambýlatoriialyq em qabyldaýǵa jiberildi.
Atalǵan jaǵdai Almaty oblystyq densaýlyq saqtaý basqarmasynyń baqylaýynda.
