“Qazaqtelekom” AQ-nyń burynǵy basshysy Qairat Káribjanov qazirgi tańda “QazTrade” AQ direktorlar keńesiniń tóraǵasy qyzmetin atqarady. Osy tusta kompaniianyń biýdjetten 151 mln teńge jumsaýdy josparlap otyrǵany týraly aqparat tarady, dep habarlaidy Dalanews.kz.
Bul málimetti EGov.press telegram arnasy jariialady.
Aita keteiik, Káribjanov shamamen 20 jyl buryn ai saiyn 365 myń AQSh dollary kóleminde jalaqy alǵany úshin synǵa ushyrap, qyzmetinen bosatylǵan edi.
Derekkóz aqparatyna sáikes, búginde sheneýnik jetekshilik etetin “QazTrade” AQ biýdjet qarajaty esebinen shamamen 151 mln teńgeni túrli is-sharalarǵa jumsaýdy josparlap otyr.
“Bul qarajat seminarǵa uqsas formattaǵy jiyndardy ótkizýge baǵyttalýy múmkin. Bul jaǵdai Prezidenttiń biýdjet qarajatyn únemdeý jónindegi tapsyrmasy aiasynda qoǵamda túrli pikir týǵyzdy. Ázirge atalǵan máselege qatysty resmi organdar naqty túsinikteme bergen joq”, – dep jazdy derekkóz.
