Aqtóbe oblysynda joǵalǵan 10 jastaǵy bala izdestirilip jatyr, dep habarlaidy Dalanews.kz.
Aqtóbe oblysy PD málimetinshe, 29 naýryzda keshke Martók aýdany politsiia bólimine 2016 jyly týǵan bala joǵalǵany týraly habarlama túsken.
Aldyn ala málimet boiynsha bala sýǵa qulap ketýi múmkin.
"Izdeý jumystaryna politsiia qyzmetkerleri, qutqarýshylar (onyń ishinde súńgýirler), ushqyshsyz ushý apparattary, kinolog, arnaiy tehnika jáne tikushaq jumyldyryldy. Turǵyndar men áskeri qyzmetshiler tartyldy. Elek ózeni katerlermen tekserilip jatyr", - dedi Mártók aýdany politsiia bóliminiń bastyǵy Murat Omarǵaliev.
Eske salaiyq, Túrkistan oblysynda da sýǵa ketken balany izdeý jumystary jalǵasyp jatyr.
