Jyl basynan beri UQK polısıa organdarymen birlese jáne prokýratýranyń úılestirýimen Qazaqstan óńirlerinde qarýdyń zańsyz aınalymynyń jolyn kesý boıynsha birqatar jedel izdestirý is-sharalaryn júrgizdi, dep habarlaıdy Dalanews.kz.
Nátıjesinde 118 qarý tárkilendi, onyń ishinde 6 Kalashnıkov avtomaty, 83 myltyq, 29 tapansha, sondaı-aq, 15 granata men 859 oq-dári bar.
"Bul derekter boıynsha jedel tergeý áreketteri júrgizilip jatyr. Qylmystyq-prosestik kodekstiń 201-babyna sáıkes ózge aqparat jarıa etilmeıdi", - dep jazylǵan habarlamada.
