Jýyrda áleýmettik jelilerde aqyn Tanagóz Tolqynqyzynyń qazaq qoǵamy týraly jazbasy qyzý talqylanǵan edi. Osy pikirden keiin aqyn politsiiaǵa shaqyrylǵanyn málimdedi, dep habarlaidy Dalanews.kz.
Aqynnyń sózinshe, Qazaqstan eshkim óz oiyn aita almaityn úlken túrmege ainalmaýy kerek.
"Búgin maǵan Astana qalalyq Saraishyq aýdany politsiiasynan habarlasty. Meniń ústimnen 7 naýryz kúni feisbýk paraqshamda jariialanǵan "Qazaqstan táýelsizdigin saqtap qala almaidy" degen postyma egov arqyly bir adamnan shaǵym túskenin málimdedi. Meni 31 naýryz kúni tańǵy saǵat onda Saraishyq aýdany politsiia bólimshesine kelýimdi surady. Men politsiiaǵa advokatsyz bara almaimyn. Ony ózderińiz de ishterińizden bilip, túsinip otyrsyzdar. Advokattyń shyǵyndaryn kóterý óz aldyna úlken másele bolyp tur. Sebebi men 2022 jyldan beri telearnalarda jumys istemeimin. Ip-ny tabys kózi bolmaǵandyqtan 3 jyl merzimge ýaqytsha resmi túrde toqtatqanmyn.
Jalpy men halyqtan aqsha jinaýǵa qarsy adammyn. Óitkeni halyqtyń jaǵdaiy dál ózimdiki siiaqty qiyn jaǵdaida ekenin bilemin. Kredit tólep, qalt-qult etip ómir súrip jatqan elden aqsha jinaý adamdardyń júikesine tiedi. Sondyqtan oilana kele advokattyń shyǵyndary men eńbekaqysyn tóleýge ózimniń kitaptarymdy satýǵa shyǵarmaqpyn", - dedi ol.
Aita keteiik, buǵan deiin Tanagóz Tolqynqyzy Facebook-tegi paraqshasynda qazaq qoǵamyna qatysty syni pikir bildirip, eldiń qazirgi jaǵdaiyna baǵa bergen edi.
