جۋىردا ەلەۋمەتتٸك جەلٸلەردە اقىن تاناگٶز تولقىنقىزىنىڭ قازاق قوعامى تۋرالى جازباسى قىزۋ تالقىلانعان ەدٸ. وسى پٸكٸردەن كەيٸن اقىن پوليتسيياعا شاقىرىلعانىن مەلٸمدەدٸ, دەپ حابارلايدى Dalanews.kz.
اقىننىڭ سٶزٸنشە, قازاقستان ەشكٸم ٶز ويىن ايتا المايتىن ٷلكەن تٷرمەگە اينالماۋى كەرەك.
"بٷگٸن ماعان استانا قالالىق سارايشىق اۋدانى پوليتسيياسىنان حابارلاستى. مەنٸڭ ٷستٸمنەن 7 ناۋرىز كٷنٸ فەيسبۋك پاراقشامدا جارييالانعان "قازاقستان تەۋەلسٸزدٸگٸن ساقتاپ قالا المايدى" دەگەن پوستىما ەگوۆ ارقىلى بٸر ادامنان شاعىم تٷسكەنٸن مەلٸمدەدٸ. مەنٸ 31 ناۋرىز كٷنٸ تاڭعى ساعات وندا سارايشىق اۋدانى پوليتسييا بٶلٸمشەسٸنە كەلۋٸمدٸ سۇرادى. مەن پوليتسيياعا ادۆوكاتسىز بارا المايمىن. ونى ٶزدەرٸڭٸز دە ٸشتەرٸڭٸزدەن بٸلٸپ, تٷسٸنٸپ وتىرسىزدار. ادۆوكاتتىڭ شىعىندارىن كٶتەرۋ ٶز الدىنا ٷلكەن مەسەلە بولىپ تۇر. سەبەبٸ مەن 2022 جىلدان بەرٸ تەلەارنالاردا جۇمىس ٸستەمەيمٸن. يپ-نى تابىس كٶزٸ بولماعاندىقتان 3 جىل مەرزٸمگە ۋاقىتشا رەسمي تٷردە توقتاتقانمىن.
جالپى مەن حالىقتان اقشا جيناۋعا قارسى اداممىن. ٶيتكەنٸ حالىقتىڭ جاعدايى دەل ٶزٸمدٸكٸ سيياقتى قيىن جاعدايدا ەكەنٸن بٸلەمٸن. كرەديت تٶلەپ, قالت-قۇلت ەتٸپ ٶمٸر سٷرٸپ جاتقان ەلدەن اقشا جيناۋ ادامداردىڭ جٷيكەسٸنە تيەدٸ. سوندىقتان ويلانا كەلە ادۆوكاتتىڭ شىعىندارى مەن ەڭبەكاقىسىن تٶلەۋگە ٶزٸمنٸڭ كٸتاپتارىمدى ساتۋعا شىعارماقپىن", - دەدٸ ول.
ايتا كەتەيٸك, بۇعان دەيٸن تاناگٶز تولقىنقىزى Facebook-تەگٸ پاراقشاسىندا قازاق قوعامىنا قاتىستى سىني پٸكٸر بٸلدٸرٸپ, ەلدٸڭ قازٸرگٸ جاعدايىنا باعا بەرگەن ەدٸ.
