Almaty oblysy, Qarasaı aýdanyndaǵy «Úshqońyr» sport kesheninde VIII respýblıkalyq «Aq bıdaı–2025» aýyl sporty oıyndarynyń saltanatty ashylý rásimi ótti. Tórt jylda bir ret uıymdastyrylatyn dástúrli doda bıyl erekshe aýqymda ótip jatyr,- dep habarlaıdy Dalanews.kz
Ashylý saltanatyna elimizdiń barlyq 17 óńirinen kelgen komandalar qatysyp, saltanatty sherýge shyqty. Artynsha «Aq bıdaı» oıyndarynyń resmı jalaýy kóterildi.
Bıylǵy oıyndarǵa 2000-ǵa jýyq sportshy qatysyp otyr. Olar komandalyq jáne jekeleı syndarda 20 sport túri boıynsha baq synamaq. Jarys Almaty oblysynyń úsh aımaǵynda – Talǵar, Qarasaı aýdandarynda jáne Qonaev qalasynda ótedi.
Baǵdarlamaǵa qazaq kúresi, kókpar, aýdaryspaq, teńge ilý, asyq atý, jamby atý sıaqty ulttyq sport túrlerimen birge, ústel tenısi, mını-fýtbol, voleıbol sıaqty buqaralyq sport túrleri de engen.
Almaty oblysy ákiminiń birinshi orynbasary Ábdirahym Nurlan Erǵalıuly qatysýshylarǵa sáttilik tilep, aýyl sportynyń damýyna erekshe toqtaldy.
«Aq bıdaı» – tek jarys emes, aýyldan shyqqan daryndy jastardy tanytatyn úlken alań. Sońǵy jyldary óńirde jańa sport nysandary salynyp, halyqaralyq deńgeıdegi fýtbol akademıasy ashyldy. Munyń barlyǵy – bolashaq chempıondarǵa jol ashatyn naqty nátıje, – dedi ol.
Parıj Olımpıadasynyń chempıony Eldos Smetov ta óz áserimen bólisti.
«Aq bıdaı–2025» oıyndarynyń ashylý rásimine alǵash ret qatysyp otyrmyn. Atmosferasy erekshe áserli – kóterińki kóńil kúı, jankúıerlerdiń qoshemeti, sportshylardyń saltanatty sherýi shyn máninde shaǵyn qazaqy olımpıadanyń ashylýyn elestetti.
Baǵdarlamada ulttyq sport túrlerine, ásirese qazaq kúresine basymdyq berilgeni kóńil qýantady. Bul – tek jarys emes, halqymyzdyń rýhanı baılyǵy men tól mádenıetin dáripteıtin mańyzdy alań.
azaq sportynyń tarıhynda esimi altyn árippen jazylǵan chempıondardyń kóbi – aýyldan shyqqandar. Mundaı saıystar aýyl jastaryna durys baǵyt tańdap, sportta jáne ómirde bıik belesterge jetýge jol ashady», - deıdi ol.
Al Májilis depýtaty Ardaq Nazarov dástúrdiń jalǵastyǵyna nazar aýdardy.
«Jaz aıaqtalyp, altyn kúz kelgende «Aq bıdaı» oıyndarynyń ótýi de beker emes. Keńes dáýirinde de dál osy mezgilde aýyl halqy sporttyq sharalar arqyly bas qosatyn
Táýelsizdik jyldaryndaǵy dástúr jalǵasy retinde «Aq bıdaı» oıyndary bıyl segizinshi ret uıymdastyrylyp otyr. Bul – tórt jylda bir ret ótetin erekshe doda.
Parlament minberinen arnaıy kelip, ashylý rásimine qatysyp otyrmyn. Bul shara – aýyl jastaryna úlken múmkindik.
Erteńgi kúnniń chempıondary osyndaı alańdarda shyńdalady. Aýylymyz kórkeıip, jastarymyz el bolashaǵy úshin eńbek ete bersin!», – dedi depýtat.
Oıyndardy Qazaqstan Respýblıkasy Týrızm jáne sport mınıstrligi, Sport jáne dene shynyqtyrý isteri komıteti, Almaty oblysynyń sport basqarmasy jáne sportty damytý ortalyǵy birlese uıymdastyrýda.
Almaty oblystyq dene shynyqtyrý jáne sport basqarmasynyń basshysy Aqjúrek Tańatarov bul jarystyń jastarǵa bererin erekshe atap ótti.
«Aq bıdaı–2025» respýblıkalyq aýyl sport oıyndary – aýyl jastaryna arnalǵan úlken múmkindik. Prezıdentimiz buqaralyq sporttyń mańyzyn únemi atap ótedi. Bul – ult saýlyǵynyń kepili.
Aýyldan shyqqan kóptegen chempıondar búginde el namysyn qorǵap júr. Bul doda – sol rýhty jalǵastyrýshy alań.
Júldegerlerge sport sheberi ataǵynyń berilýi – úlken motıvasıa. Barlyq komandalarǵa sáttilik tileımin!», - deıdi ol.
Eske salaıyq, «Aq bıdaı–2025» respýblıkalyq aýyl sporty oıyndary 10 kúnge jalǵasyp, jeńimpazdar men júldegerler qyrkúıektiń sońyna qaraı belgili bolady.
