Almaty oblysy, Qarasai aýdanyndaǵy «Úshqońyr» sport kesheninde VIII respýblikalyq «Aq bidai–2025» aýyl sporty oiyndarynyń saltanatty ashylý rásimi ótti. Tórt jylda bir ret uiymdastyrylatyn dástúrli doda biyl erekshe aýqymda ótip jatyr,- dep habarlaidy Dalanews.kz
Ashylý saltanatyna elimizdiń barlyq 17 óńirinen kelgen komandalar qatysyp, saltanatty sherýge shyqty. Artynsha «Aq bidai» oiyndarynyń resmi jalaýy kóterildi.
Biylǵy oiyndarǵa 2000-ǵa jýyq sportshy qatysyp otyr. Olar komandalyq jáne jekelei syndarda 20 sport túri boiynsha baq synamaq. Jarys Almaty oblysynyń úsh aimaǵynda – Talǵar, Qarasai aýdandarynda jáne Qonaev qalasynda ótedi.
Baǵdarlamaǵa qazaq kúresi, kókpar, aýdaryspaq, teńge ilý, asyq atý, jamby atý siiaqty ulttyq sport túrlerimen birge, ústel tennisi, mini-fýtbol, voleibol siiaqty buqaralyq sport túrleri de engen.
Almaty oblysy ákiminiń birinshi orynbasary Ábdirahym Nurlan Erǵaliuly qatysýshylarǵa sáttilik tilep, aýyl sportynyń damýyna erekshe toqtaldy.
«Aq bidai» – tek jarys emes, aýyldan shyqqan daryndy jastardy tanytatyn úlken alań. Sońǵy jyldary óńirde jańa sport nysandary salynyp, halyqaralyq deńgeidegi fýtbol akademiiasy ashyldy. Munyń barlyǵy – bolashaq chempiondarǵa jol ashatyn naqty nátije, – dedi ol.
Parij Olimpiadasynyń chempiony Eldos Smetov ta óz áserimen bólisti.
«Aq bidai–2025» oiyndarynyń ashylý rásimine alǵash ret qatysyp otyrmyn. Atmosferasy erekshe áserli – kóterińki kóńil kúi, jankúierlerdiń qoshemeti, sportshylardyń saltanatty sherýi shyn máninde shaǵyn qazaqy olimpiadanyń ashylýyn elestetti.
Baǵdarlamada ulttyq sport túrlerine, ásirese qazaq kúresine basymdyq berilgeni kóńil qýantady. Bul – tek jarys emes, halqymyzdyń rýhani bailyǵy men tól mádenietin dáripteitin mańyzdy alań.
azaq sportynyń tarihynda esimi altyn árippen jazylǵan chempiondardyń kóbi – aýyldan shyqqandar. Mundai saiystar aýyl jastaryna durys baǵyt tańdap, sportta jáne ómirde biik belesterge jetýge jol ashady», - deidi ol.
Al Májilis depýtaty Ardaq Nazarov dástúrdiń jalǵastyǵyna nazar aýdardy.
«Jaz aiaqtalyp, altyn kúz kelgende «Aq bidai» oiyndarynyń ótýi de beker emes. Keńes dáýirinde de dál osy mezgilde aýyl halqy sporttyq sharalar arqyly bas qosatyn
Táýelsizdik jyldaryndaǵy dástúr jalǵasy retinde «Aq bidai» oiyndary biyl segizinshi ret uiymdastyrylyp otyr. Bul – tórt jylda bir ret ótetin erekshe doda.
Parlament minberinen arnaiy kelip, ashylý rásimine qatysyp otyrmyn. Bul shara – aýyl jastaryna úlken múmkindik.
Erteńgi kúnniń chempiondary osyndai alańdarda shyńdalady. Aýylymyz kórkeiip, jastarymyz el bolashaǵy úshin eńbek ete bersin!», – dedi depýtat.
Oiyndardy Qazaqstan Respýblikasy Týrizm jáne sport ministrligi, Sport jáne dene shynyqtyrý isteri komiteti, Almaty oblysynyń sport basqarmasy jáne sportty damytý ortalyǵy birlese uiymdastyrýda.
Almaty oblystyq dene shynyqtyrý jáne sport basqarmasynyń basshysy Aqjúrek Tańatarov bul jarystyń jastarǵa bererin erekshe atap ótti.
«Aq bidai–2025» respýblikalyq aýyl sport oiyndary – aýyl jastaryna arnalǵan úlken múmkindik. Prezidentimiz buqaralyq sporttyń mańyzyn únemi atap ótedi. Bul – ult saýlyǵynyń kepili.
Aýyldan shyqqan kóptegen chempiondar búginde el namysyn qorǵap júr. Bul doda – sol rýhty jalǵastyrýshy alań.
Júldegerlerge sport sheberi ataǵynyń berilýi – úlken motivatsiia. Barlyq komandalarǵa sáttilik tileimin!», - deidi ol.
Eske salaiyq, «Aq bidai–2025» respýblikalyq aýyl sporty oiyndary 10 kúnge jalǵasyp, jeńimpazdar men júldegerler qyrkúiektiń sońyna qarai belgili bolady.
