Aqtóbe oblysynda úsh kúnde júzden asa kiik qyrylyp qalǵan, - dep habarlaidy Dalanews.kz.
Aqtóbe oblysynda Qairaqty ózeninen ótý kezinde kiikter qyrylyp qalǵan. Oblystyq orman sharýashylyǵy jáne janýarlar dúniesi aýmaqtyq inspektsiiasynyń dereginshe, jalpy 108 bas qyrylǵan. Onyń ishinde 65-i – atalyq, 43-i – analyq.
Inspektsiia basshysy Ádilkerei Áýelbaevtyń aitýynsha, kóshi-qon kezeńinde ózenge shamamen 10 myń kiik kelgen. Aldyn ala boljam boiynsha ózennen ótý kezinde janýarlar bir-birin taptap ketken.
"Qazir oqiǵa ornynda mamandar jumys istep jatyr. Qyrylǵan janýarlar men ózen sýynan synamalar alyndy", – dedi Ádilkerei Áýelbaev.
Resmi málimetke súiensek, Aqtóbe oblysynda 300 myńnan asa kiik mekendeidi.
