Búginnen bastap aqyly joldardyń aqaýy bar ýchaskesinde jol júrý aqysy tegin. Bul týraly Kólik mınıstrligi málimdedi,- dep habarlaıdy Dalanews.kz.

15 qyrkúıekten bastap respýblıkalyq mańyzy bar aqyly joldarda tólem erejeleri ózgerdi. Qazir elimizde barlyǵy 27 aqyly jol bar.

"Aqyly jolda jol qozǵalysy qaýipsizdigine áser etetin jáne jóndeýdi talap etip turǵan jol ýchaskesi bolsa, dál sol aralyq úshin jóndeý jumystary tolyq aıaqtalǵanǵa deıin tólem alynbaıdy. Mysaly aqyly jol ýchaskesiniń jalpy uzyndyǵy 100 shaqyrym bolsa, onyń 5 shaqyrymy jóndeýdi talap etse, onda jol boıyndaǵy aqaý joıylǵanǵa deıin júrgizýshiler 95 shaqyrym jol úshin ǵana aqy tóleıdi", - dep jazylǵan habarlamada.

Ár júrgizýshi aqaý týraly táýlik boıy jumys isteıtin 1403 nómirine qońyraý shalyp, habarlaı alady. Jańa ereje respýblıkalyq jáne halyqaralyq mańyzy bar aqyly joldarǵa qoldanylady.