Astanadaǵy «Januia» otbasy institýtyn qoldaý ortalyǵy turǵyndarǵa keshendi áleýmettik, quqyqtyq jáne psihologiialyq qyzmet kórsetip keledi. Biyl jyl basynan beri munda 30 myńnan astam adam júgingen,- dep habarlaidy Dalanews.kz
«Januia» ortalyǵy 2019 jyly qurylǵan. Negizgi maqsaty – ómirlik qiyn jaǵdaiǵa tap bolǵan otbasylarǵa jan-jaqty qoldaý kórsetý. Munda mamandar zańgerlik jáne psihologiialyq keńes berýmen qatar, áleýmettik súiemeldeý qyzmetterin uiymdastyrady. Sonymen birge múgedektigi bar azamattarǵa áleýmettik qyzmetter portaly arqyly qajetti kómekter alýyna járdem kórsetiledi.
Ortalyqtyń BAQ-pen ózara qarym-qatynas bóliminiń mamany Aisultan Qunanbaidyń aitýynsha, azamattar kóbinese nekeni buzý, aliment óndirý, ortaq múlikti bólý jáne eńbek daýlaryna qatysty zańgerlik keńesterge júginedi. Sondai-aq ortalyqtyń zańger-mediatorlary sottarmen birlesip, otbasylyq daýlardy sheshýge atsalysady.
Psihologiialyq kómek te basty nazarda. Mamandar psihodiagnostikalyq, psihokorrektsiialyq jáne konsýltatsiialyq qyzmetter kórsetip, onlain keńes ótkizedi. Al uiymdastyrý bólimi otbasy qundylyqtaryn nyǵaitýǵa baǵyttalǵan mádeni, patriottyq jáne tárbielik is-sharalardy turaqty uiymdastyrady.
Ortalyq qiyn ómirlik jaǵdaiǵa tap bolǵandarǵa qoldaý kórsetýde memlekettik organdarmen tyǵyz yntymaqtastyq ornatqan. «FSM Social» mobildi qosymshasy arqyly aqparat almasý tiimdilikti arttyryp otyr.
«Januia» ortalyǵy jumys kúnderi saǵat 09:00-den 18:00-ge deiin ashyq.
