Almatyda zańsyz salynǵan "Bereke" bazary súrildi, dep habarlaidy dalanews.kz.
Qalalyq josparlaý jáne ýrbanistika baqylaý basqarmasy Gogol kóshesi, 173 mekenjaiynda ornalasqan "Bereke" bazary súrilgenin habarlady.
Bazardyń saýda oryndary menshik iesi tarapynan ruqsatsyz salynǵan. Jospardan tys tekseris barysynda menshik iesine qatysty ákimshilik sharalar qoldanylyp, anyqtalǵan zańbuzýshylyqtardy joiý týraly nusqaý berilgen.
Alaida nusqaý talaptary oryndalmaǵandyqtan, basqarma zańsyz salynǵan nysandy buzý týraly talap-aryzdy mamandandyrylǵan aýdanaralyq ekonomikalyq sotqa joldaǵan.
Sot saýda oryndaryn buzý týraly sheshim qabyldap, keiin bul sheshim oryndaý úshin Ádilet departamentine jiberilgen.
Menshik iesi birinshi satydaǵy sot sheshimin oryndaý maqsatynda nysandy óz erkimen buzdy.
