استاناداعى «جانۇيا» وتباسى ينستيتۋتىن قولداۋ ورتالىعى تۇرعىندارعا كەشەندى الەۋمەتتىك، قۇقىقتىق جانە پسيحولوگيالىق قىزمەت كورسەتىپ كەلەدى. بيىل جىل باسىنان بەرى مۇندا 30 مىڭنان استام ادام جۇگىنگەن،- دەپ حابارلايدى Dalanews.kz
«جانۇيا» ورتالىعى 2019 جىلى قۇرىلعان. نەگىزگى ماقساتى – ومىرلىك قيىن جاعدايعا تاپ بولعان وتباسىلارعا جان-جاقتى قولداۋ كورسەتۋ. مۇندا ماماندار زاڭگەرلىك جانە پسيحولوگيالىق كەڭەس بەرۋمەن قاتار، الەۋمەتتىك سۇيەمەلدەۋ قىزمەتتەرىن ۇيىمداستىرادى. سونىمەن بىرگە مۇگەدەكتىگى بار ازاماتتارعا الەۋمەتتىك قىزمەتتەر پورتالى ارقىلى قاجەتتى كومەكتەر الۋىنا جاردەم كورسەتىلەدى.
ورتالىقتىڭ باق-پەن ءوزارا قارىم-قاتىناس ءبولىمىنىڭ مامانى ايسۇلتان قۇنانبايدىڭ ايتۋىنشا، ازاماتتار كوبىنەسە نەكەنى بۇزۋ، اليمەنت ءوندىرۋ، ورتاق مۇلىكتى ءبولۋ جانە ەڭبەك داۋلارىنا قاتىستى زاڭگەرلىك كەڭەستەرگە جۇگىنەدى. سونداي-اق ورتالىقتىڭ زاڭگەر-مەدياتورلارى سوتتارمەن بىرلەسىپ، وتباسىلىق داۋلاردى شەشۋگە اتسالىسادى.
پسيحولوگيالىق كومەك تە باستى نازاردا. ماماندار پسيحودياگنوستيكالىق، پسيحوكوررەكسيالىق جانە كونسۋلتاسيالىق قىزمەتتەر كورسەتىپ، ونلاين كەڭەس وتكىزەدى. ال ۇيىمداستىرۋ ءبولىمى وتباسى قۇندىلىقتارىن نىعايتۋعا باعىتتالعان مادەني، پاتريوتتىق جانە تاربيەلىك ءىس-شارالاردى تۇراقتى ۇيىمداستىرادى.
ورتالىق قيىن ومىرلىك جاعدايعا تاپ بولعاندارعا قولداۋ كورسەتۋدە مەملەكەتتىك ورگاندارمەن تىعىز ىنتىماقتاستىق ورناتقان. «FSM Social» ءموبيلدى قوسىمشاسى ارقىلى اقپارات الماسۋ تيىمدىلىكتى ارتتىرىپ وتىر.
«جانۇيا» ورتالىعى جۇمىس كۇندەرى ساعات 09:00-دەن 18:00-گە دەيىن اشىق.
