Astana ákimi turǵyndardy qabyldaý barysynda azamattardyń shaǵymyna qulaq túrip, zańsyz qurylysty toqtatýdy talap etti, - dep habarlaidy Dalanews.kz.
Astana ákimi Jeńis Qasymbek turǵyn úi kesheniniń aýlasynda salynyp jatqan turǵyn úi qurylysyna qatysty qatań shara qabyldaýdy tapsyrdy. Ákim qaramaǵyndaǵylarǵa Sensata kompaniiasyna tiesili nysannyń qurylysyn dereý toqtatý jóninde tapsyrma berdi.
Bas josparǵa sáikes bul aýmaqta turǵyndarǵa arnalǵan skver salynýǵa tiis edi. Alaida qurylys kompaniiasy talaptardy elemei, jumystaryn jalǵastyra bergen.
Qala turǵyndary birneshe ret ákimge júginip, óz quqyǵy saqtalýyn talap etken. Shaǵymǵa qulaq asqan Jeńis Qasymbek turǵyndardy qoldap, aiqyn málimdeme jasady:
"Qurylysqa tyiym salamyn, turǵyndar qarsy", - dedi ol.
Dalanews.kz osy máselege bailanysty qala ákimdigine júgindi. Ákimdiktiń baspasóz qyzmeti ókili turǵyndarmen kezdesý ótken aptada ótkenin málimdep, bul jaitty rastady.
