Qazaqstandyq quqyq qorǵaýshy Dina Tańsári Chernogoriiada saiasi bosqyn mártebesinde qaldy,- dep habarlaidy Dalanews.kz.
Chernogoriianyń Joǵarǵy soty Qazaqstan Bas prokýratýrasynyń quqyq qorǵaýshy Dina Tańsárini ekstraditsiialaý týraly ótinishin qabyldamady. Bul sheshim zańdy kúshine endi.
Aita keteiik, Dina Tańsári 2025 jyly 14 sáýirde ustalǵan bolatyn. Alaida kelesi kúni tergeý soty ony qamaýdan bosatty.
2025 jyly 29 shildede Dina Tańsári men onyń jubaiy Almat Muhamedjanov halyqaralyq qorǵaý mártebesin aldy. Bul olardyń halyqaralyq is-sharalarǵa qatysyp, Qazaqstandaǵy áielder quqyǵy buzylýy jóninde aitýyna múmkindik beredi.
"NeMolchi" qorynyń jetekshisine qatysty "Alaiaqtyq" baby boiynsha qylmystyq is 2023 jyldyń sońynda qozǵalǵan edi.
Eske salaiyq, buǵan deiin Qazaqstan Bas prokýratýrasy Dina Smailovaǵa (kópshilikke Dina Tańsári atymen tanymal) qatysty ekstraditsiia máselesi boiynsha Chernogoriia biliginiń sheshimin kútip otyrǵany habarlandy. Bul týraly Májilis dálizinde Bas prokýrordyń orynbasary Áset Shyndaliev aitty.
