قازاقستاندىق قۇقىق قورعاۋشى دينا تاڭسەرٸ چەرنوگورييادا ساياسي بوسقىن مەرتەبەسٸندە قالدى,- دەپ حابارلايدى Dalanews.kz.
چەرنوگورييانىڭ جوعارعى سوتى قازاقستان باس پروكۋراتۋراسىنىڭ قۇقىق قورعاۋشى دينا تاڭسەرٸنٸ ەكستراديتسييالاۋ تۋرالى ٶتٸنٸشٸن قابىلدامادى. بۇل شەشٸم زاڭدى كٷشٸنە ەندٸ.
ايتا كەتەيٸك, دينا تاڭسەرٸ 2025 جىلى 14 سەۋٸردە ۇستالعان بولاتىن. الايدا كەلەسٸ كٷنٸ تەرگەۋ سوتى ونى قاماۋدان بوساتتى.
2025 جىلى 29 شٸلدەدە دينا تاڭسەرٸ مەن ونىڭ جۇبايى المات مۇحامەدجانوۆ حالىقارالىق قورعاۋ مەرتەبەسٸن الدى. بۇل ولاردىڭ حالىقارالىق ٸس-شارالارعا قاتىسىپ, قازاقستانداعى ەيەلدەر قۇقىعى بۇزىلۋى جٶنٸندە ايتۋىنا مٷمكٸندٸك بەرەدٸ.
"نەمولچي" قورىنىڭ جەتەكشٸسٸنە قاتىستى "الاياقتىق" بابى بويىنشا قىلمىستىق ٸس 2023 جىلدىڭ سوڭىندا قوزعالعان ەدٸ.
ەسكە سالايىق, بۇعان دەيٸن قازاقستان باس پروكۋراتۋراسى دينا سمايلوۆاعا (كٶپشٸلٸككە دينا تاڭسەرٸ اتىمەن تانىمال) قاتىستى ەكستراديتسييا مەسەلەسٸ بويىنشا چەرنوگورييا بيلٸگٸنٸڭ شەشٸمٸن كٷتٸپ وتىرعانى حابارلاندى. بۇل تۋرالى مەجٸلٸس دەلٸزٸندە باس پروكۋروردىڭ ورىنباسارى ەسەت شىنداليەۆ ايتتى.
