Qarjylyq monitoring agenttigi prokýratýranyń úilestirýimen Atyraý oblysynda aýqymdy jedel-tergeý is-sharalaryn júrgizýde, dep habarlaidy Dalanews.kz.
Atap aitqanda, «Biryńǵai jinaqtaýshy zeinetaqy qorynan» qarajatty zańsyz sheship alýǵa járdem kórsetken 5 qylmystyq toptyń áreketi áshkerlendi.
Ol úshin uiymdastyrýshylar jalǵan qujattardy rásimdeý arqyly eldiń ár óńirinde (Atyraý, Astana, Almaty, Shymkent, Aqtaý jáne basqa qalalarda) ornalasqandai etip 30-dan astam stomatologiialyq klinikalardy paidalanǵan.
Shyn máninde, bul meditsina uiymdary tek qaǵaz júzinde bolǵan, halyqqa eshqandai qyzmet kórsetpegen. Olardyń ǵimarattary da, jabdyqtary da, bilikti qyzmetkerleri de bolmaǵan. Klinikalardyń basshylary men quryltaishylarynyń meditsinalyq bilimi de joq.
Jalǵan meditsinalyq qujattardy rásimdegeni úshin kúdiktiler azamattardyń alǵan qarajatynan 10%-dan 20%-ǵa deiin zańsyz syiaqy ustap otyrǵan.
Jinalǵan aqshany qolma-qol aqshaǵa ainaldyrý úshin qylmystyq toptar 226 «dropperdi» paidalanǵan. Jalpy, 200 mlrd teńgeden astam qarjy ainalymnan shyǵarylǵan.
Zeinetaqy salymshylarynyń aqshasyna kúdiktiler 15 qymbat avtokólik (Mercedes-Benz G-class, GLE, BMW X7, Porsche Taycan, Cadillac Escalade) – jalpy quny 600 mln teńgeden astam – sondai-aq zergerlik buiymdar, kommertsiialyq nysandar, páterler men jer telimderin satyp alǵan.
Qylmystyq jolmen tabylǵan múlikti izdestirý jalǵasýda.
Qazirgi ýaqytta 59 tintý jumysy júrgizildi. 10 adamǵa qatysty bultartpaý sharasy qoldanylady.
Sonymen birge qatar, tergeý barysynda tek zeinetaqy aktivterin zańsyz shyǵarý shemasyn uiymdastyrýshylardyń áreketterine quqyqtyq baǵa beriledi.
Óziniń jinaqtalǵan zeinetaqy qarajatyn alǵan azamattar qylmystyq jaýapkershilikke tartylmaidy.
QR QPK-niń 201-babyna sáikes ózge aqparat jariialaýǵa jatpaidy.
Sondai-aq, ustalǵandardyń qorǵaný quqyǵy buzylyp jatyr degen málimetter shyndyqqa janaspaidy. Barlyq protsessýaldyq áreketter qoldanystaǵy zańnamaǵa sáikes júrgizilýde. Ár kúdiktiniń advokattarymen bailanysy shektelmegen.
