Qazan aiynda Almatyda inkliýzivti bilim berý boiynsha alǵashqy dúniejúzilik kongress – WorldInclusion Congress 2025 (WIC 2025) ótedi. Bul aýqymdy halyqaralyq shara inkliýzivti jáne arnaiy bilim berý salasynda tájiribe almasýdyń jáne strategiialyq sheshimder qabyldaýdyń negizgi alańyna ainalmaq. Bul týraly Oqý-aǵartý ministri Ǵani Beisembaevtyń Almatyǵa jumys sapary barysynda belgili boldy,- dep habarlaidy Dalanews.kz
Kongreske álemniń 50 elinen 400-den astam ókil – bilim ministrleri, ǵalymdar, sarapshylar men halyqaralyq uiymdardyń ókilderi qatysady dep kútilýde.
Nelikten Qazaqstan?
Kongresti ótkizý orny retinde Almatyny Inkliýzivti bilim berý jónindegi halyqaralyq odaq (IFIP) tańdady. IFIP-tiń 135 múshe memleketi arasynan Qazaqstandy tańdaý – elimizdiń inkliýzivti jáne arnaiy bilim berýdi damytýdaǵy júieli qadamdarynyń nátijesi jáne qol jetkizgen progrestiń moiyndalýy.
Memlekettik deńgeidegi júieli sharalar qabyldanýda:
• 2023 jyldan bastap arnaiy bilim berý uiymdarynyń jelisi eki eseden astam ulǵaidy – 213-ten 508-ge deiin;
• mektepterdiń 90%-ynda erekshe bilim berý qajettilikteri bar balalarǵa arnalǵan jaǵdailar jasalǵan;
• balalardyń 85%-y arnaiy psihologiialyq-pedagogikalyq qoldaýmen qamtylǵan;
• mektepke deiingi jáne orta bilim berý júiesinde jańa laýazymdar engizildi – «pedagog-assistent», «arnaiy pedagog», «jeke kómekshi»;
• psihologiialyq-meditsinalyq-pedagogikalyq keńes berý, túzetý kabinetteri, ońaltý ortalyqtary men aýtizm spektrindegi balalardy qoldaý ortalyqtary úshin jeke tiptik shtattar bekitildi;
• tehnikalyq jáne kásiptik bilim berý uiymdaryna múgedektigi bar azamattardy qabyldaý kvotasy 1%-dan 10%-ǵa deiin artty;
• erekshe bilim berý qajettilikteri bar balalardy keshendi qoldaý týraly zań jobasy ázirlenýde.
Jańa halyqaralyq alańy Oqý-aǵartý ministri Ǵani Beisembaevtyń aitýynsha, Kongrestiń ótkizilýi júieniń damýyna jańa serpin beredi.
«WorldInclusion Congress 2025 – inkliýzivti bilim berý salasyndaǵy osyndai joǵary deńgeidegi alǵashqy halyqaralyq bastama. Kongrestiń Qazaqstanda ótkizilýi – ádil jáne inkliýzivti qoǵam qurýǵa degen adaldyǵymyzdy, bilim berý reformalarynyń jetistigin jáne innovatsiialardyń engizilýin kórsetedi. Halyqaralyq korporativtik kóshbasshylardyń qatysýy strategiialyq múmkindikterge jol ashady, bizdiń tájiribemizge nazar aýdaryp, jańa investitsiialar tartady», – dedi ministr.
Kongrestiń erekshelikteri
WIC 2025 pedagogikalyq innovatsiialardy, zamanaýi tehnologiialardy jáne biznesti biriktiredi. Baǵdarlamada plenarlyq otyrystar, paneldik pikirtalastar, sheberlik sabaqtar jáne álemdik sarapshylardyń motivatsiialyq sóz sóileýleri bar. Erekshe nazar jasandy intellekt pen tsifrlyq sheshimderdi erekshe bilim berý qajettilikteri bar balalardy qoldaý úshin qoldanýǵa aýdarylady.
Almaty deklaratsiiasy
Kongrestiń basty qorytyndysy – Almaty deklaratsiiasy bolady. Onda inkliýzivti bilim berýdi áleýmettik ádilettiliktiń, teń múmkindikterdiń jáne ornyqty damýdyń negizi retinde damytý jónindegi halyqaralyq mindettemeler bekitiledi.
