AQSh prezidenti Donald Tramp onyń komandasy qarjyger Djordj Soros pen onyń otbasyna qatysty aýqymdy tergeý ashýdy qarastyryp jatqanyn málimdedi, dep habarlaidy Dalanews.kz.
Tramptyń aitýynsha, sóz búkil el boiynsha jappai narazylyqtardy qarjylandyrý týraly bolyp otyr.
"Olar ózderiniń "kásibi" úshin Sorostan jáne basqa adamdardan aqsha alady. Biz muny óte muqiiat zerttep jatyrmyz", – dedi Tramp.
Buǵan deiin Tramp Sorosqa qatysty birneshe ret qatty pikir bildirgen edi.
Ol Sorosty jáne onyń uly Aleksany zorlyq-zombylyq sipatyndaǵy narazylyqtardy qoldady, haos týdyrdy jáne amerikalyq biregeilikti joiýǵa talpyndy dep aiyptady. Onyń pikirinshe, milliarderlerdi RICO zańyna (reket pen uiymdasqan qylmysqa qarsy kúres týraly zań) sáikes jaýapkershilikke tartý qajet.
"Djordj Soros pen onyń radikaldy solshyl uly búkil AQSh aýmaǵynda zorlyq-zombylyqty narazylyqtardy jáne taǵy basqa kóptegen nárselerdi qoldaǵany úshin RICO zańyna sáikes aiyptalýy tiis.
Biz bul aqymaq adamdardyń Amerikany odan ári bólshekteýine jol bermeimiz. Soros pen onyń psihopattar toby elimizge orasan zor ziian keltirdi!", – dep atap ótti Donald Tramp.
