Búginnen bastap Astanada birqatar uiym jańa keste boiynsha jumys isteidi,- dep habarlaidy Dalanews.kz.
Bul sheshim joldarda keptelisti azaitý maqsatynda qabyldanyp otyr. Ózgeris qala ortalyǵynda ornalasqan memlekettik jáne jartylai memlekettik qurylymdarǵa qatysty bolady.
"Qalalyq kommýnaldyq qyzmetterdiń jumys kúni tańǵy 7:30-da bastalady, Astana ákimdiginiń qyzmeti de 7:30-da bastalady. Keibir memlekettik organdar men jartylai memlekettik kompaniialar jumysty 7:30-8:00 aralyǵynda bastaidy. Jumys ýaqytynyń aiaqtalý saǵaty da sáikesinshe ózgertiledi", - dep jazylǵan ákimdik habarlamasynda.
Jeke sektor, biznes, mektepter, balabaqshalar, aýrýhanalar, emhanalar, HQO jáne basqa áleýmettik nysandardyń jumys kestesi ózgermeidi.
Aita keteiik, keibir ministrlikter men memlekettik organdardyń jumys kúni burynnan 8:00-de bastalady.
