Búginde oblys kóleminde ondaǵan Qoǵamdyq qabyldaý bólimderi jumys isteıdi. Olar partıanyń rámizderimen, zańgerlik anyqtamalyq ádebıetterimen jáne kompúterlik tehnıkamen jabdyqtalǵan.
Partıa fılıaldaryndaǵy Qoǵamdyq qabyldaý bólmelerine 3326 aryz-shaǵymdar túsip, onyń 2234 jazbasha, 1092 aýyzsha bolǵan.
Ótinishterde kóterilgen máseleler sana alýan desek bolady. Osy rette qarapaıym halyqty laýazymdy adamdardyń zańsyz is-áreketteri (9,5 paıyz), jumysqa ornalasý (6,5 paıyz), jer telimin bólý jáne turǵyn úımen qamtamasyz etý (10,2 paıyz), bilim jáne densaýlyq saqtaý máseleleri (6,7 paıyz) jáne zeınetaqylar men járdemaqylardy esepteýge (5,3 paıyz) qatysty qadaý-qadaý máseleler katty mazalaıtynyn aıta ketýimiz kerek.
Memlekettik mekemeler men quqyq qorǵaý organdaryna joldanǵan 2307 ótinishtiń 1869-na jaýap alǵan. Sonyń ishinde 1128 (60,3 paıyz) ótinish ońtaıly sheshilgen.
Jergilikti turǵyndardyń áleýmettik-ekonomıkalyq talap-tilekterin der kezinde jáne ádil sheshý maqsatynda oblystyq máslıhattyń depýtattaryn jáne memlekettik mekemeler men quqyq qorǵaý organdarynyń basshylarynyń qatysýymen 103 qoǵamdyq qabyldaý ótkizip, 876 azamattyń máselesin qarastyrylǵan.
Laýazymdy tulǵalardyń qatysýymen ótken Qoǵamdyq qabyldaýǵa kelip túsken 622 aryzdyń 71 paıyzy oń sheshimin tapty. Sondaı-aq, jeke jáne aýmaqta oryn alǵan ózekti máselelerdi sheshý úshin 41 kóshpeli qoǵamdyq qabyldaý ótkizgen.
Nátıjesinde 243 azamattyń máselesi qaralyp, 173 aryzdyń 71,2 paıyzy oń sheshimin tabýyna sebepshi bolǵanymyzdy maqtanyshpen aıtýǵa bolady. Oblys turǵyndarynyń quqyqtyq bilim deńgeıin arttyrý jáne turmysy tómen azamattardy áleýmettik qoldaý maqsatynda aptasyna 2 ret seısenbi jáne beısenbi kúnderi oblystyq advokattar alqasynyń músheleri men ádilet departamentiniń qyzmetkerleri fılıaldyń qoǵamdyq qabyldaý bólmesinde tegin zańgerlik keńes berilip keledi.
Al «Táýelsiz zańgerler» qoǵamdyq birlestiginiń zańgerleri memorandýmǵa otyryp fılıaldyń Qoǵamdyq qabyldaý bólmesinde oblys turǵyndaryna kúndelikti tegin zańgerlik keńes berýdi jolǵa qoıdyq.
Respýblıkalyq tizbektik kestesin iske asyrý maqsatynda aımaqtyq jáne aýmaqtyq fılıaldardyń qoǵamdyq qabyldaý belmeleri Májilis pen barlyq deńgeıdegi máslıhattardyń depýtattaryn jáne memlekettik mekemeler men quqyq qorǵaý organdarynyń basshylarynyń qatysýymen «Birińǵaı qoǵamdyq qabyldaý kúni» ótti. Sol qabyldaýda 267 azamattyń talap-tilekteri tyńdalyp, aryzdardyń kópshiligi zań aıasynda sheshimin tapqanyn aıta ketýimiz kerek.
Qabyldaý kezinde mundaı kezdesýlerdi jıi uıymdastyryp turýdyń mańyzy zor. Budan basqa «Seniń jemqorlyqqa qarsylyǵyń óte mańyzdy» atty respýblıkalyq aksıany iske asyrý barysynda Túrkistan oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamenti men aımaqtyq jáne aýmaqtyq fılıaldardyń janyndaǵy jemqorlyqpen kúres jónindegi qoǵamdyq keńestermen birlesip «Ashyq esik» kúnin ótkizdi.
Partıa fılıaldarynyń Qoǵamdyq qabyldaý bólmelerinde jáne aýdan ortalyqtarynda ótkizilgen kóshpeli ashyq qabyldaýlar aqparat quraldarynda keńinen jarıalaýdy dástúrge aınaldyrdyq. Qazirgi tańda AMANAT partıasynyń aımaqtyq jáne aýmaqtyq fılıaldary atqarýshy organdardyń basshylary men oblys turǵyndarynyń arasyndaǵy «altyn kópir» rólin atqaryp otyr desek qatelespeımiz.
