«Pedagogikalyq ideialar panoramasy» respýblikalyq konkýrsynyń qalalyq kezeńi júldegerlerin anyqtady
Konkýsqa qatysýshylar men olardyń jankúierleri, Saraptama keńesiniń músheleri, jalpy 200-ge jýyq bilim berý júiesi mamandarynyń qatysýymen ótken aitýly is-shara shymyldyǵy ádettegidei Qazaqstan ánuranymen ashyldy.
Institýttyń aǵa oqytýshysy, Bilim berý isiniń úzdigi, áigili ǵalym-ustaz Arzieva Aliia Toqtamysqyzy konkýrsqa qatysýshylarǵa Sertifikat tabystasa, kafedra meńgerýshisi, pedagogika ǵylymdarynyń magistri Ibraeva Janar Mýhametqaliqyzy júldegrlerdi III dárejeli diplomdarmen marapattaý rásimine shyqty. Konkýsqa qatysýshylardyń qurmetine arnalǵan merekelik ánshashý, myń burala bilegen bishi qyzdarymyzdyń óneri saltanatty jiyndy kórkeite túskendei.
Naýryz aiynan bastalǵan konkýrstyń máreli sátin kópten kútken II dárejeli júldegerlerdi Institýt direktorynyń orynbasary Qaisar Kópjasaruly marapattaý rásimnde jeńimpazdardy quttyqtap, izgi tilegin bildirdi. Konkýsqa qatysqan árbir pedagogtiń izdenisi men jańashyldyqqa umtylysy kásibi ósýine, sheberligin shyńdaýǵa sebep bolatyndyǵyn atap ótip, dástúrli konkýrsta ozyq oiymen, nátijeli tájiribesimen bólisken ustazdarǵa alǵys bildirdi.
Ustazdar úiindegi jarys dodasynyń naǵyz jeńimpazdaryn I dárejeli diplommen marapattaý jáne qorytyndy sóz kezegi konkýrstyń óńirlik kezeńin Uiymdastyrý komitetiniń tóraǵasy, Almaty qalalyq kásibi damý institýtynyń direktory, pedagogika ǵylymdarynyń doktory Sadvakasova Raisa Ajdarovnaǵa berildi. Sahna tórinde 1-shi oryn alǵan júldegrlerdi marapattaýǵa shyqqan Institýt direktory: «Sarapshylardyń jumys qorytyndysy boiynsha kalalyq konkýrsta joǵary ball jinap, kásibi sheberlikterińizdi dáleldedińizder. Endigi jerde biz sizderge senim artamyz. 1-oryn ielengen júldegerlerimiz Konkýrstyń respýblikalyq kezeńinde joǵary bal jinap, Almatynyń mereiin shalqyta túsýine tilektespin» –dedi. Óz kásibin jaqsy biletin, jańalyqqa jany qushtar adamdar ǵana konkýrsqa qatysady. Sondyqtan, konkýsqa qatysqan muǵalimderdiń barlyǵyn da jeńimpaz dep aitýǵa bolady! Sizderdi búgingi jeńisterińizben shyn júrekten quttyqtaimyz.
Perýza Asylbek
