Almatyda injenerlik infraqurylymdy jańǵyrtý belsendi túrde júrgizilýde, – dep habarlaidy Dalanews.kz qalalyq energetika jáne sýmen jabdyqtaý basqarmasyna silteme jasap.
2025 jyly 260 km jańa jeli salynyp, 87 km jeli jańǵyrtý josparlanǵan. Ótken jyldyń 9 aiynda 219 km jańa sýmen qamtý jáne sý burý jelileri salynsa, 29,3 km qoldanystaǵy jeliler jańǵyrtylǵan.
Sondai-aq, 2025 jyly 123 km elektrmen jabdyqtaý jelileri rekonstrýktsiiadan ótedi. Buǵan qosa, Almaty qalasynyń elektr jelilerin 2030 jylǵa deiin jáne 2040 jylǵa deiingi perspektivamen damytý shemasy ázirlengen.
2024 jyly sapaly jylýmen qamtamasyz etý úshin qalada 20 km jeli jańartyldy. Qazirgi jylytý maýsymy qalypty rejimde, eshqandai irkilissiz ótýde. Jalpy, 404 bilim berý nysany, 128 densaýlyq saqtaý mekemesi jáne 8 863 turǵyn úi jylýmen qamtylǵan.
Jalpy, Almaty ákimi bergen tapsyrma aiasynda qalada injenerlik jelilerdi jańǵyrtý jáne qaita qurý boiynsha keshendi sharalar belsendi túrde júzege asyrylýda. Osy sharalardyń nátijesinde 2025 jyly sý qubyrlary jelileriniń tozý deńgeii 52,9%-ǵa, káriz jelileriniń tozýy 53,8%-ǵa, al elektrmen jabdyqtaý jelileriniń tozýy 63,3%-ǵa deiin tómendeidi.
