Senatta ótken brifingte Antikor tóraǵasynyń orynbasary Darhan Quraqbaev sybailas jemqorlar tizimin ázirleý jobasy týraly aitty. Bul usynys qańtarda qaraýǵa jiberildi, - dep habarlaidy Dalanews.kz.
"Tizilimde jemqorlar sottyń kúshine engen úkiminen keiin nemese ózge de sheshimderden (mysaly prokýratýranyń sheshimi) keiin ǵana kórsetiledi. Bul tizilim zańnamamen rettelýi kerek. Zań jobasy Májiliste qaralyp jatyr", - dedi Antikor tóraǵasynyń orynbasary.
Vedomstvo ókili tizimge ený ómir boiǵy úkim emes ekenin jetkizdi.
Sottylyǵy ótelgennen keiin jemqor esepten shyǵarylady jáne tiisinshe sybailas jemqorlar tiziliminen de óshiriledi.
Aita keteiik, buǵan deiin Májiliste «Qazaqstan Respýblikasynyń keibir zańnamalyq aktilerine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly» jáne «Qazaqstan Respýblikasynyń Ákimshilik quqyq buzýshylyq týraly kodeksine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly» zań jobalary qaraldy.
Bul zań jobalary aiasynda elde jemqorlardyń ashyq reestrin engizý josparlanyp otyr.
