Almatyda erteń sırena qosylady, dep habarlaıdy Dalanews.kz.
25 aqpanda saǵat 11:00-de "Kóktem 2026" respýblıkalyq oqý-jattyǵýy aıasynda halyqty qulaqtandyrý júıesine tehnıkalyq tekseris júrgiziledi.
Tekseris barysynda "Barlyǵyńyzdyń nazaryńyzǵa!" dabyl sıgnaly boıynsha qala aýmaǵynda sırenalar az ýaqytqa qosylady.
"Bul - josparly oqý-jattyǵý. "Barlyǵyńyzdyń nazaryńyzǵa!" sıgnaly - tótenshe jaǵdaı qaýpi tóngen nemese týyndaǵan kezde shuǵyl aqparat taratar aldynda halyqtyń nazaryn aýdarý úshin beriletin eskertý belgisi", - dep jazylǵan ákimdik habarlamasynda.
Sıgnaldy estigen jaǵdaıda:
- teledıdardy nemese radıoqabyldaǵyshty qosý;
- resmı ınternet resýrstar men mobıldi qosymshalardaǵy aqparatty tekserý;
- beriletin aqparatpen jáne odan ári áreket etý jónindegi nusqaýmen muqıat tanysý qajet.
25-26 aqpanda Almatyda "Kóktem 2026" respýblıkalyq oqý-jattyǵýy ótedi. Oqý-jattyǵý aıasynda qalanyń ár aýdanynda ózen arnalary men aryq júıelerin tazartý boıynsha profılaktıkalyq is-sharalar júrgiziledi.
