Qashaǵan ken ornyn igerýge qatysatyn halyqaralyq kompaniialar Qazaqstanǵa qarsy arbitraj rásimin bastaýǵa nietti. Bul týraly Shell kompaniiasynyń ókili málimdegen, dep habarlaidy Dalanews.kz.
Nege.Aqsha telegram arnasynyń málimetinshe, daýdyń týyndaýyna kúkirtti saqtaý talaptaryna qatysty salynǵan $5 mlrd kólemindegi ekologiialyq aiyppul sebep bolǵan. Ótken jeltoqsanda Astanadaǵy sot Qashaǵan konsortsiýmynyń apelliatsiialyq shaǵymyn keri qaitarǵannan keiin, sheteldik aktsionerler halyqaralyq tórelikke júginý týraly sheshim qabyldaǵan.
Shell ókiliniń aitýynsha, kompaniialar ózderine taǵylǵan aiyptarmen kelispeidi jáne máseleni kelissóz arqyly sheshýge talpynǵan. Alaida bul áreketter nátije bermegen soń, olar halyqaralyq kelisimder negizinde arbitraj bastaýǵa májbúr bolǵan.
Sonymen qatar derekkózdiń málimetinshe, Qazaqstan úkimeti de Qashaǵanǵa jaqyn ornalasqan igerilmegen Aqtoty men Qairan ýchaskeleri boiynsha jeke arbitraj protsesin bastamaq. Resmi Astana bul ken oryndaryn memleket menshigine qaitarýdy kózdep otyr.
