Atyraýda AITV-ny qasaqana juqtyrdy degen kúdikpen 2 transvestittiń zańsyz qyzmeti toqtatyldy, dep habarlaidy Dalanews.kz.
Atyraý qalasynda 23 jáne 28 jastaǵy eki azamat ustaldy. Olar 2025 jyldyń jeltoqsan aiynan bastap ózderinde AITV infektsiiasynyń bar ekenin bile tura, arnaiy meditsinalyq esepte turǵanyna qaramastan, trans tulǵalar retinde aqyly intimdik qyzmet kórsetýdi jalǵastyrǵan.
Jedel is-sharalar Atyraý oblysy politsiia departamentiniń Uiymdasqan qylmysqa qarsy kúres basqarmasynyń qyzmetkerlerimen júrgizildi.
Kúdiktiler ustalyp, ýaqytsha ustaý izoliatoryna (ÝUI) qamaldy. Atalǵan derek boiynsha ózinde bul aýrýdyń bar ekenin bile tura, basqa adamǵa AITV infektsiiasyn juqtyrý faktisi boiynsha qylmystyq is qozǵaldy.
Azamattardyń ómiri men densaýlyǵyna qasaqana qaýip tóndirý - aýyr qylmys.
Qazaqstan Respýblikasynyń zańnamasyna sáikes, mundai áreketter úshin 5 jyldan 10 jylǵa deiin bas bostandyǵynan aiyrý jazasy qarastyrylǵan.
Qazirgi ýaqytta qajetti tergeý áreketteri júrgizilýde, jábirlenýshiler anyqtalýda. Árbir derekke quqyqtyq baǵa beriledi. Árbir kináli tulǵa zań aldynda tolyq jaýap beredi.
